17.07.2026 | 13:50
Մոսկվայում մեկնարկել են Լավրով-Բայրամով բանակցությունները
ԱՄՆ-ն խափանել է Սումիի վրա ռուսական հրթիռային հարվածի վերաբերյալ G7-ի հայտարարությունը․ Bloomberg
Քաղաքականություն
15.04.2025 | 22:18
ԱՄՆ նախագահ Դոնալդ Թրամփի վարչակազմը G7-ի իր դաշնակիցներին ասել է, որ չի կարող ստորագրել Սումիի վրա ռուսական հարվածը դատապարտող հայտարարություն, քանի որ «աշխատում է խաղաղության բանակցությունների համար տարածք պահպանելու ուղղությամբ»։ Այս մասին հայտնում է Bloomberg-ը, որին վկայակոչում է BBC-ի ռուսական ծառայությունը։
Կանադան, որն այս տարի նախագահում է G7-ում, դաշնակիցներին հայտնել է, որ չի կարողանա հայտարարություն հրապարակել առանց ԱՄՆ-ի համաձայնության։ G7-ի հայտարարության մեջ , ըստ Bloomberg-ի պետք է ասվեր, որ Սումիի վրա հարձակումն ապացույց է այն բանի, որ Ռուսաստանը մտադիր է շարունակել պատերազմը։
Դոնալդ Թրամփը Սումի քաղաքի վրա Ռուսաստանի հարձակումն անվանել էր «սարսափելի», սակայն ուղղակիորեն չէր հիշատակել Ռուսաստանի անունը։ Նա նշել էր, որ «նրանք սխալ են թույլ տվել», իսկ երբ լրագրողները խնդրել էին պարզաբանել, թե ինչ նկատի ունի, նա պատասխանել էր. «Հարցրեք նրանց»։ Թրամփը չէր մանրամասնել, թե ում մասին է խոսքը։
Հիշեցնենք, որ ապրիլի 13-ի առավոտյան ռուսական զորքերը Սումիի կենտրոնին հարվածել էին երկու «Իսկանդեր-Մ» հրթիռներով։ Վերջին տվյալների համաձայն՝ զոհվել է 35 մարդ, այդ թվում՝ 2 երեխա։
Թարգմանությունը՝ Էմմա Չոբանյանի
.
