05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Պետք է բացառել վենդետաները, ՀՀ-ն չդարձնել «բեսպրեդելի» սև խորշ՝ աշխարհի քարտեզի վրա. Փաշինյան․ ՏԵՍԱՆՅՈՒԹ
Քաղաքականություն
15.04.2025 | 11:55
Այսօր ԱԺ-ում ՀՀ վարչապետ Նիկոլ Փաշինյանը ներկայացրեցՀայաստանի Հանրապետության Կառավարության ծրագրի 2024 թվականի կատարման ընթացքի և արդյունքների մասին զեկույցը։
Փաշինյանը հայտարարեց, որ այսօր իրենց հասցեին ամենահաճախ հնչող քննադատությունն այն է, որ իշխանությունը թալանվածը ետ բերելու հեղափոխական օրակարգը մոռացության է մատնում։ Փաշինյանն ասաց, որ կտրականապես համաձայն չէ այդ քննադատության հետ։ «2018 թվականի Ժողովրդական, ոչ բռնի, թավշյա հեղափոխությունն, այո՛, տվել է թալանվածը ետ բերելու, հանցագործներին պատժելու խոստում։ Բայց Հեղափոխությունը և անձամբ ես խոստացել ենք նաև, որ Հեղափոխության հաղթանակից հետո Հայաստանում վենդետաներ չեն լինելու, որ Հայաստանը լինելու է օրենքի և իրավունքի գերակայության երկիր։ Ուրեմն, ինչպե՞ս էինք համատեղելու, այդ՝ թվում է՝ իրար հակասող օրակարգերը։ Իրականում օրակարգերն իրար չեն հակասում և մենք հենց այդ օրակարգերի իրացմամբ ենք զբաղված եղել և շարունակում ենք դրանով զբաղվել․ այն է՝ բացառել վենդետաները, վերադարձնել թալանվածը, պատժել հանցագործներին և Հայաստանի Հանրապետությունը չդարձնել «բեսպրեդելի» սև խորշ աշխարհի քարտեզի վրա, այլ ընդհակառակը՝ օրենքի գերակայությունը դարձնել անշրջելի և ինստիտուցիոնալ»,- ասաց նա։
Մանրամասները՝ տեսանյութում։
