Ադրբեջանի և Իրանի պատվիրակությունները Կովսականում և Նախիջևանում ծանոթացել են ճանապարհների և էլեկտրաէներգիայի ոլորտում իրականացվող համատեղ նախագծերին

Բաքուն մանրամասներ է հայտնել Ադրբեջանի և Իրանի պատվիրակությունների՝ Կովսական (Զանգիլան) ու Նախիջևան այցից, որտեղ կողմերը ծանոթացել են ճանապարհների և էլեկտրաէներգիայի ոլորտում իրականացվող համատեղ նախագծերին։

Հաղորդվում է, որ Ադրբեջանի փոխվարչապետ, Ադրբեջանի և Իրանի միջև տնտեսական, առևտրային ու հումանիտար համագործակցության պետական ​​հանձնաժողովի համանախագահ Շահին Մուստաֆաևի ու երկրում այցով գտնվող Իրանի ճանապարհների և քաղաքաշինության նախարար, հանձնաժողովի իրանական կողմից համանախագահ Ֆարզանե Սադեղի գլխավորած պատվիրակությունները զննել են կառուցվող Աղբենդ-Կալալա ավտոմոբիլային կամուրջը, որը Իրանի տարածքով կապելու է Ադրբեջանի տարածքը Նախիջևանի Ինքնավար Հանրապետության հետ՝ Արաքս գետի վրայով՝ Կովսականի մոտ։

Նշվել է, որ Աղբենդի կամրջի և հարակից օժանդակ ճանապարհի շինարարությունը նախատեսվում է ավարտել այս տարվա վերջին։ Ընդգծվում է, որ շինարարական աշխատանքների ավարտից հետո նոր ճանապարհային երթուղին կդառնա Չինաստան-Կենտրոնական Ասիա-Ադրբեջան-Իրան-Թուրքիա երթուղին ընդգրկող Արևելք-Արևմուտք տրանսպորտային միջանցքի հիմնական բաղադրիչներից մեկը։ Կառուցվող մայրուղին կունենա առաջին տեխնիկական կատեգորիա և հնարավորություն կտա արդյունավետ բեռնափոխադրումներ իրականացնել Աղբենդ-Ջաբրայիլ-Աղդամ-Եվլախ-Վրաստան ուղղությամբ։

Զուգահեռաբար, այս ցանցին կավելացվի Աղբենդ-Լաչին-Քարվաճառ-Գյանջա-Վրաստան ճանապարհային երթուղին, որի շինարարությունը նախատեսվում է ավարտել մոտ մեկ տարի անց։

Քննարկվել է նաև քննարկել են Օրդուբադ-Սիյարհուդ ավտոմոբիլային կամրջի նախագիծը և տարածքային հնարավորությունները: Պատվիրակությունները ծանոթացել են նաև Օրդուբադ-Մարազադ հիդրոէլեկտրակայանի նախագծի շրջանակներում իրականացվող աշխատանքներին։

Թարգմանությունը՝ Էմմա Չոբանյանի