24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
ԵՄ երկրները համաձայնեցրել են ամերիկյան ապրանքների համար պատասխան մաքսատուրքերը
Քաղաքականություն
09.04.2025 | 18:49
ԵՄ երկրներն աջակցել են Եվրահանձնաժողովի առաջարկին ամերիկյան ապրանքների համար մաքսատուրքեր սահմանելու վերաբերյալ։ Այս մասին հայտնում է Եվրահանձնաժողովը։
Նշվում է, որ սա պատասխան է ԵՄ-ից պողպատի և ալյումինի ներմուծման համար մաքսատուրքեր սահմանելու ԱՄՆ որոշմանը։
«ԵՄ-ն ԱՄՆ-ի մաքսատուրքերը համարում է չարդարացված և վնասակար, որը տնտեսական վնաս է պատճառելու երկու կողմերին, ինչպես նաև համաշխարհային տնտեսությանը»,- ասվում է հայտարարության մեջ։
Նշվում է նաև, որ պատրաստ են ԱՄՆ-ի հետ «արդար և հավասարակշռված պայմանավորվածություններ» գտնել։
Հաղորդվում է, որ ԵՄ անդամ պետությունների կողմից այսօրվա քվեարկությունը նշանակում է, որ Հանձնաժողովի ներքին ընթացակարգերի ավարտից և կատարողական ակտի հրապարակումից հետո հակաքայլերը կմտնեն ուժի մեջ: Տուրքերի գանձումը կսկսվի ապրիլի 15-ից։
«Այս հակաքայլերը կարող են կասեցվել ցանկացած պահի, եթե ԱՄՆ-ը համաձայնի արդար և հավասարակշռված բանակցային արդյունքի»,- հայտարարում է Եվրահանձնաժողովը։
Թարգմանությունը՝ Էմմա Չոբանյանի
