21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Նիկոլ Փաշինյանը հյուրընկալել է Վիետնամի ԱԺ նախագահ Չան Թան Մանի գլխավորած պատվիրակությանը․ ՏԵՍԱՆՅՈՒԹ
Քաղաքականություն
04.04.2025 | 14:18
Վարչապետ Նիկոլ Փաշինյանն հյուրընկալել է պաշտոնական այցով Հայաստանում գտնվող Վիետնամի Սոցիալիստական Հանրապետության Ազգային ժողովի նախագահ Չան Թան Մանի գլխավորած պատվիրակությանը․ տեղեկացնում են ՀՀ վարչապետի աշխատակազմից։
Վարչապետը ողջունել է Չան Թան Մանի այցը Հայաստան և ընդգծել Վիետնամի հետ բարեկամական հարաբերությունների զարգացման կարևորությունը: Նիկոլ Փաշինյանը նշել է, որ երկու երկրների միջև բարձր մակարդակի փոխայցելությունները վկայում են երկկողմ հարաբերությունների հետագա խորացման և ընդլայնման երկուստեք հետաքրքրվածության մասին, ինչը դրական և ողջունելի գործընթաց է:
Չան Թան Մանն իր հերթին շնորհակալություն է հայտնել ջերմ ընդունելության համար՝ ընդգծելով, որ այցը Հայաստան նպատակ ունի ավելի ամրապնդելու և խորացնելու Հայաստան-Վիետնամ բարեկամությունը:
Հանդիպման ընթացքում կողմերը քննարկել են երկկողմ բազմոլորտ համագործակցության զարգացման հեռանկարները՝ կարևորելով տնտեսական հարաբերությունների ակտիվացման ուղղությամբ կոնկրետ միջոցառումների և քայլերի մշակման անհրաժեշտությունը:
Զրուցակիցներն առանձնահատուկ ընդգծել են նաև միջխորհրդարանական ձևաչափով համագործակցության շարունակականության կարևորությունը, ինչը կարող է հավելյալ խթան հանդիսանալ երկկողմ կապերի զարգացման համար:
Նիկոլ Փաշինյանը և Չան Թան Մանը մտքեր են փոխանակել նաև տարածաշրջանային նշանակության մի շարք հարցերի շուրջ:
