15.04.2025 | 17:08
ԵՄ-Հայաստան հաղորդակցության հարթակը կօգնի քաղաքացիներին ավելի լավ ըմբռնել համագործակցության առավելությունները
Հորդառատ անձրևների դեպքում գետերի մերձափնյա տարածքում հնարավոր են ջրածածկումներ․ Լևոն Ազիզյան. ՏԵՍԱՆՅՈՒԹ
04.04.2025 | 14:49
Ձմեռային ժամանակաշրջանում ձևավորված հիդրոօդերևութաբանական պայմանները գարնանային վարարումների հոսքի վրա կունենան բացասական ազդեցություն, քանի որ ձմռան տեղումների քանակը կազմել է նորմայի 40 տոկոսը, այս մասին մամուլի ասուլիսի ժամանակ ասաց ՇՄ «Հիդրոօդերևութաբանության և մոնիթորինգի կենտրոն»-ի տնօրեն Լևոն Ազիզյանը։
Նա ընդգծեց, որ հանրապետության հիդրոօդերևութաբանության պատմության մեջ 2024-ի թվականի և այս տարվա ձմեռը ամենաչորայինն են։ Ազիզյանի խոսքով՝ այս տարվա ձմռան ամիսներից ամենաչորայինը եղել է հունվարը։
«Կուտակված ձյան պաշարները վարարումների ժամանակաշրջանում նորմայից բացասական շեղումով հոսքի ծավալներ կունենան։ Ինչ վերաբերում է ապրիլ-հունիս ամիսների կանխատեսումներին՝ դրանք կանխատեսվում են նորմայից բարձր, տեղումների քանակը ապրիլ-մայիս ամիսներին նորմային մոտ, իսկ հունիսին՝ նորմայից պակաս»,- հավելեց «Հիդրոօդերևութաբանության և մոնիթորինգի կենտրոն»-ի տնօրենը։
Լևոն Ազիզյանը հայտնեց, որ գարնանային վարարումների հոսքի ծավալները կանխատեսվում են նորմայի 50-90 տոկոսի սահմաններում։
«Ջերմաստիճանի կտրուկ բարձրացման և հորդառատ անձրևների դեպքում գետերի մերձափնյա տարածքներում հնարավոր են ջրածածկումներ։ Դա կանխատեսվում է մայիսի առաջին և երկրորդ տասնօրյակներում»,- շեշտեց Լևոն Ազիզյանը։
Մանրամասները՝ տեսանյութում։
