21.01.2026 | 22:59
Ալիևի որդին SOCAR-ում պաշտոն է ստացել
Սուպերվարչապետական համակարգը պետք է փոխարինվի վարչապետականով, իսկ ԱԺ-ն էլ ոստիկանության վրա վերահսկողություն իրականացնելու իրավունք պետք է ունենա․ Արմեն Ռուստամյան․ՏԵՍԱՆՅՈՒԹ
Քաղաքականություն
03.10.2018 | 13:45
Ազգային ժողովի ՀՅԴ խմբակցության ղեկավար Արմեն Ռուստամյանը պնդում է, որ Հայաստանի սուպերվարչապետական համակարգը պետք է փոխարինվի վարչապետական համակարգով, որն իրենից ենթադրում է առնվազն ոստիկանության վերաենթակայեցում Կառավարությանը, իսկ այդ փոփոխությամբ նաև Ազգային ժողովը կկարողանա վերահսկողություն իրականացնել ոստիկանության վրա։
Այս մասին այսօր Ազգային ժողովում լրագրողների հետ զրույցում ասաց պատգամավորը՝ նշելով, որ այս հարցի քննարկմանը վարչապետը դեմ չի եղել, իսկ ինչ վերաբերում է արտահերթ խորհրդարանական ընտրությունների արագ անցկացմանը, ապա, ըստ ՀՅԴ-ական պատգամավորի, այս հարցում կա ժամկետների խնդիր։
«Այստեղ ժամկետների խնդիր կա, և այդ առումով դեկտեմբեր ամիսը որպես նպատակ դնել մի քիչ ճիշտ չէ»,- ասաց նա։
Վերջինս նշեց, որ, եթե ուզում ենք նորմալ ընտրություններ անցկացնել, որի ժամանակ քաղաքական ուժերը կկարողանան ստանալ ձայներ, ըստ իրենց արժանիքների, դրա համար ժամանակ է պահանջվում, թեև, վարչապետի կարծիքով, այդ ամենը կարելի է տեղավորել դեկտեմբերի մեջ, և այս առումով, կարծես թե, համաձայնություն չկա։
Արմեն Ռուստամյանը նաև նշեց, որ եթե բանակցություններ են ընթանում, ճիշտ չէ խոսել վերջնագրերով։
Մանրամասները՝ տեսանյութում։
