07.10.2026 | 13:32
Դելին ու Երևանը քննարկում են Հայաստանում Pinaka Mk-II-ի արտադրության և հավաքման հնարավորությունը․ հնդկական ԶԼՄ
Պենտագոնի ղեկավարը առաջին անգամ բաց կթողնի Ուկրաինայի ռազմական օգնության Ռամշտեյնի գագաթնաժողովը
Քաղաքականություն
03.04.2025 | 13:33
ԱՄՆ պաշտպանության նախարար Փիթ Հեգսեթը չի մասնակցի հաջորդ շաբաթ Ուկրաինայի գործընկերների Ռամշտեյնի ձևաչափով հանդիպմանը։Այս մասին հայտնում է Defense News ամսագիրը՝ հղում անելով անանուն պաշտոնական աղբյուրներին, գրում է The Kyiv Independent-ը։
Ապրիլի 11-ին Բրյուսելում կայանալիք գագաթնաժողովը, որը վարում են Մեծ Բրիտանիան և Գերմանիան, կլինի առաջինը 2022 թվականին ձևաչափի հիմնադրումից ի վեր, որին Պենտագոնի ղեկավարը չի մասնակցի։ Հեգսեթի նախորդը՝ պաշտպանության նախկին նախարար Լլոյդ Օսթինը, Ուկրաինայի պաշտպանության կոնտակտային խումբը (UDCG) ստեղծել էր Ռուսաստանի կողմից պատերազմի սանձազերծումից հետո՝ համակարգելու Կիևի մոտ 50 դաշնակիցների օգնությունը։
ԱՄՆ պաշտոնական աղբյուրը Defense News-ին հայտնել է, որ Հեգսեթը չի նախատեսում անգամ առցանց ձևաչափով մասնակցել գագաթնաժողովին, և Պենտագոնը դժվար թե այնտեղ ուղարկի իր բարձրաստիճան ներկայացուցիչներին։
Հեգսեթը մասնակցել է Ռամշտեյնի նախորդ գագաթնաժողովին՝ փետրվարի 12-ին, բայց ոչ որպես դրա նախագահ, ինչպես նախկինում Օսթինը։ Փոխարենը գագաթնաժողովը նախագահել է նրա բրիտանացի գործընկեր Ջոն Հիլին:
Թարգմանությունը՝ Էմմա Չոբանյանի
