13.01.2026 | 19:11
Իրանի պաշտոնյաների հետ հանդիպումները չեղարկել եմ, օգնությունը ճանապարհին է. Թրամփը դիմել է իրանցիներին
Արցախցիների ակցիան կառավարության շենքի դիմաց՝ սոցվճարումների երկարաձգման պահանջով. ՈՒՂԻՂ
Հասարակություն
03.04.2025 | 11:33
Արցախցիները կառավարության շենքի դիմաց ակցիա են իրականացնում՝ պահանջելով երկարաձգել իրենց տրվող սոցիալական վճարումները։
Հիշեցնենք, որ ՀՀ կառավարությունը ԼՂ-ից բռնի տեղահանված հայրենակիցների կեցության և այլ ծախսերը հոգալու նպատակով 40+10 հազար դրամ սոցիալական աջակցության ծրագիր է իրականացնում։
Կառավարությունն ապրիլից կրճատում է տեղահանված արցախցիներին տրվող 50 հազարական դրամի աջակցության ծրագիրը։
Դեռ անցած տարեվերջին էր գործադիր որոշել՝ ապրիլից մինչև հունիս աջակցության չափը դարձնել 40 հազար դրամ, հուլիսից-դեկտեմբեր արդեն 30 հազար դրամ։ Բայց այս աջակցությունից, ի տարբերություն գործողի, սահմանափակ թվով տեղահանվածներ են օգտվելու՝ միայն անչափահասները, կամ 18 տարին լրացած, բայց բարձրագույն կրթություն ստացող քաղաքացիները, 63-ից բարձր տարիքի անձինք, կերակրողին կորցրածներն ու 1-ին ու 2-րդ կարգի հաշմանդամություն ունեցողները:
Աշխատանքի և սոցիալական հարցերի նախարարությունը գործողին զուգահեռ՝ ավելի փոքր գումարի չափով ու գրեթե 9 անգամ ավելի քիչ շահառուներ ընդգրկող նոր աջակցության ծրագիր է մտադիր ընդունել։
Այն նախատեսված է 11 հազար 430 անապահով տեղահանվածի համար։ Հանրային քննարկման դրված նախագծով պետությունն առաջարկում է 40 հազար դրամ աջակցություն տալ ընտանիքի միայն մեկ անդամի, իսկ մյուսներին՝ 10 հազար։ Տեղահանվածներից ոմանք արդեն հասցրել են ծանոթանալ երեկ հանրային քննարկման դրված նախագծին։
