24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Ուկրաինան կարող է հույս դնել ՆԱՏՕ-ի ռազմական աջակցության վրա. Ռյուտե
Քաղաքականություն
02.04.2025 | 21:57
Ուկրաինան կարող է հույս դնել ՆԱՏՕ-ի ռազմական աջակցության վրա՝ չնայած ԱՄՆ նախագահ Դոնալդ Թրամփի՝ խաղաղությանը միտված նախաձեռնություններին: DW-ի ռուսական ծառայության փոխանցմամբ՝ այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն Բրյուսելում կայացած մամուլի ասուլիսում:
2025 թվականի սկզբից ՆԱՏՕ-ի դաշնակիցներն արդեն խոստացել են Ուկրաինային ավելի քան 20 մլրդ եվրոյի ռազմական օգնություն տրամադրել, նշել է նա՝ հավելելով, որ 2024 թվականին Կիևին ռազմական օգնության ընդհանուր չափը կազմել է մոտ 50 միլիարդ եվրո։
Դաշինքի գլխավոր քարտուղարը երախտագիտություն է հայտնել Սպիտակ տան ղեկավարին այն բանի համար, որ նա «կարողացել է հաղթահարել բանակցային գործընթացի փակուղում հայտնվելը», հաղորդում է Reuters-ը:
Բացի այդ, Ռյուտեն ընդգծել է Մեծ Բրիտանիայի, Ֆրանսիայի և այլ երկրների ներդրումը Ուկրաինայի համար անվտանգության երաշխիքների մշակման գործում:
