17.07.2026 | 16:27
Շատիվանքի Սբ․ Սիոն եկեղեցու 17-րդ դարի որմնանկարների վերականգնման ընթացքում բացահայտվել են միջնադարյան նոր պատկերներ
Թուրքիայում ընդդիմությունը զանգվածային հանրահավաք է անցկացրել՝ hաջակցություն Իմամօղլուի և պահանջել նրա դատավարությունն անցկացնել ուղիղ եթերում
Քաղաքականություն
29.03.2025 | 19:32
Ընդդիմությունը զանգվածային ցույց է կազմակերպել՝ ի պաշտպանություն Ստամբուլի ձերբակալված քաղաքապետ Էքրեմ Իմամօղլուի։ Այն տեղի է ունենում քաղաքի ասիական կողմում գտնվող Մալթեփե թաղամասում․ գրում է ՏԱՍՍ-ը։
Բողոքի ակցիան կազմակերպել է Թուրքիայի գլխավոր ընդդիմադիր Ժողովրդահանրապետական կուսակցությունը ՝ աջակցելու Իմամօղլուին որպես ընդդիմության նախագահի թեկնածու։ Դրան մասնակցում են նաև հինգ քաղաքական կուսակցությունների ներկայացուցիչներ։
Հավաքի մասնակիցները նախ պահանջել են ազատ արձակել Իմամօղլուին, ապա՝ կառավարության հրաժարականը և արտահերթ ընտրությունների անցկացում։
Հիշեցնենք, որ մարտի 19-ին՝ Իմամօղլուի ձերբակալությունից հետո, Թուրքիայում բողոքի ալիք բարձրացավ։ Երկրի Ներքին գործերի նախարարության տվյալներով՝ առնվազն 1800 մարդ բերման է ենթարկվել։ Ամենամեծ ցույցերը կազմակերպվել են Ստամբուլում, Անկարայում և Իզմիրում, որոնք, հիմնականում, ավարտվել են ոստիկանության հետ բախումներով։
Ստամբուլի ձերբակալված քաղաքապետ Էքրեմ Իմամօղլուն կոչ է արել երկրի իշխանություններին իր դատավարությունն անցկացնել թուրքական պետական TRT հեռուստաալիքի ուղիղ եթերում։ Այս մասին հայտարարել է Թուրքիայի գլխավոր ընդդիմադիր Ժողովրդահանրապետական կուսակցության առաջնորդ Օզգյուր Օզելը։
«Ես իմամօղլուից պատմական մարտահրավեր եմ փոխանցում [Թուրքիայի նախագահ Ռեջեփ Թայիփ] Էրդողանին։ Քաղաքապետ Էքրեմ [Իմամօղլուն] ասում է, որ նա մեղավոր չէ։ «Եթե դուք (Էրդողանը — Gazeta.Ru) վստահում եք ինքներդ ձեզ, ես առաջարկում եմ դատավարությունն անցկացնել TRT-ի ուղիղ եթերում»,- ասել է Օզելը` վկայակոչելով ձերբակալված քաղաքապետի դիմումը։
