13.05.2025 | 00:24
Ուժգին քամու ժամանակ թիթեղը պոկվել և հարվածել է հղի կնոջը․ երեխան ծնվել է ճակատի շրջանում խոր վնասվածքով
Սենատի արտաքին հարաբերությունների հանձնաժողովը հավանություն է տվել «Վրացական երազանքի» դեմ պատժամիջոցների ակտին
28.03.2025 | 15:29
ԱՄՆ Սենատի արտաքին հարաբերությունների հանձնաժողովը հավանություն է տվել MEGOBARI ակտին, որը նախաձեռնվել է ի պատասխան Վրաստանում ժողովրդավարության անկմանը: Այս մասին հայտնել է դեմոկրատ սենատոր Ջին Շահինը, որը նախաձեռնությունը ներկայացրել է հանձնաժողովին։
«Մենք հավանություն ենք տվել MEGOBARI Act-ին, սա հստակ ազդանշան է վրաց ժողովրդին: Մենք աջակցում ենք նրա ջանքերին՝ իր ժողովրդավարական ապագան պահպանելու համար»,- ասել է Շահենը:
Նա հույս է հայտնել, որ վրաց ժողովուրդն ամերիկացի օրենսդիրների գործողությունները կդիտի որպես աջակցության «դրական ազդանշան»։
MEGOBARI-ն հապավում է, վրացերեն այս բառը նշանակում է «ընկեր»։ Օրինագծի ամբողջական անվանումն է՝ «Վրաստանի մոբիլիզացման և կարողությունների զարգացման ակտ՝ հաշվետվողականության, ճկունության և անկախության ամրապնդման համար»: Ակտը նախատեսում է Վրաստանի ղեկավարության դեմ լայնածավալ պատժամիջոցների կիրառում։ Միաժամանակ, փաստաթղթում խոսվում է ԱՄՆ-ի և Վրաստանի միջև վիզային ռեժիմի ազատականացման, տնտեսական համագործակցության ընդլայնման և անվտանգության աջակցության լայն փաթեթի մասին, եթե Թբիլիսին որոշի վերադառնալ ժողովրդավարության ուղի և հրաժարվել հակաարևմտյան հռետորաբանությունից։
Օրինագծի հեղինակը հանրապետական կոնգրեսական Ջո Ուիլսոնն է։ Նա նախաձեռնությունը ներկայացրել է 2024 թվականի մայիսին Վրաստանում օտարերկրյա գործակալների մասին օրենքի ընդունման հետ միաժամանակ: Ուիլսոնն այն կրկին Կոնգրես է ներկայացրել այս տարվա սկզբին: Երկու կուսակցություններից Կոնգրեսի 18 անդամներ համահովանավորել են օրինագիծը:
Սենատի հանձնաժողովներում քննարկումներից հետո օրինագիծը քվեարկության Է ներկայացվելու Կոնգրեսի ողջ վերին պալատին։Եթե Սենատը հաստատի այն, ապա օրինագիծը կվերադառնա Ներկայացուցիչների պալատ՝ վերջնական հաստատման համար: Օրենք դառնալու համար այն պետք է անցնի երկու պալատներում և ստորագրվի Միացյալ Նահանգների նախագահի կողմից:
Թարգմանությունը՝ Էմմա Չոբանյանի
