25.06.2026 | 11:32
Ուկրաինական ԱԹՍ-ների հարվածից Կրասնորդարում նավթաբազայում հրդեհ է բռնկվել
Խոշտանգման մասին՝ ոչ մի խոսք, բայց ինչքան ուժ ունեն, փորձում են դատել Սամվել Վարդանյանին․ Մելիքյան․ ՏԵՍԱՆՅՈՒԹ
Տեսանյութեր
26.03.2025 | 17:44
Խոշտանգումն առանձնապես ծանր հանցագործություն է, այդ մասով ոչ մի նորություն չկա արդեն շուրջ մեկ տարի, Սամվել Վարդանյանի մասով ինչքան ուժ ունեն, փորձում են դատել։ Այս մասին դատարանի բակում Factor TV-ի հետ զրույցում ասաց Սամվել Վարդանյանի պաշտպան Ռուբեն Մելիքյանը՝ ավտոբուսում ԱԺ պատգամավոր Հակոբ Ասլանյանի և քաղաքացի Սամվել Վարդանյանի միջև տեղի ունեցած միջադեպի գործով նիստից հետո։
Մելիքյանը տեղեկացրեց, որ խոշտանգման գործով որևէ նորություն չկա, թեև շուտով մեկ տարին կլրանա։ Հիշեցնենք՝ ավտոբուսում տեղի ունեցած միջադեպի հաջորդ օրը խուլիգանության կասկածանքով ձերբակալված Վարդանյանի փաստաբաններ Ռուբեն Մելիքյանն ու Վարազդատ Հարությունյանը պատմել էին, որ ոստիկանների ուղեկցությամբ ձերբակալվածների պահման վայր տեղափոխելու ճանապարհին դիմակավորված անձինք խոշտանգել են Սամվել Վարդանյանին․ ծնկի են բերել, թքել նրա վրա և սեռական բնույթի հայհոյանքներ հնչեցրել։ Փոխարենը շատ արագ դատարան հասավ ավտոբուսում ԱԺ պատգամավոր Հակոբ Ասլանյանի և քաղաքացի Սամվել Վարդանյանի միջև տեղի ունեցած միջադեպից հետո նախաձեռնված քրեական վարույթը։
Մանրամասները՝ տեսանյութում։
Արփի Հակոբյան
