14.06.2026 | 23:18
Գիշերվա կեսին գողացան ժողովրդի քվեն. Տոնոյանը` ԿԸՀ-ի որոշման մասին. ՏԵՍԱՆՅՈւԹ
Եթե Աղազարյանը մնար ՔՊ-ում, գալո՞ւ էիք ԱԺ՝ անձեռնմխելիությունից զրկելու․ Թովմասյանը՝ Վարդապետյանին․ ՏԵՍԱՆՅՈՒԹ
Քաղաքականություն
26.03.2025 | 12:16
«Դուք ներկայացրիք գործը, որից հասկանալի է, որ 2024 թվականի ամռանից արդեն ձեզ հայտնի էին իրողություններ, որ կոնկրետ անձնավորություն տվել էր ցուցմունք Հովիկ Աղազարյանի կաշառքի գործով և պնդել էր, որ այդպիսի բան եղել է, բայց դուք եկել եք հիմա Ազգային ժողով, երբ արդեն Հովիկ Աղազարյանը ՔՊ խմբակցությունից դուրս է եկել, այս մասին ԱԺ-ում պատգամավոր Հովիկ Աղազարյանին անձեռնմխելիությունից զրկելու հարցի քննարկման ժամանակ ասաց պատգամավոր Թագուհի Թովմասյանը՝ դիմելով գլխավոր դատախազ Աննա Վարդապետյանին:
Այնուհետև Թագուհի Թովմասյանը հարցրեց․ «Ես ուզում եմ այնուամենայնիվ պնդել իմ ասածը, հավատարժան չէ, տիկին դատախազ, ես չեմ պատկերացնում, եթե Հովիկ Աղազարյանը շարունակեր մնալ ՔՊ խմբակցության կազմում, արդյո՞ք դուք կգայիք այստեղ նույն միջնորդությամբ»:
Աննա Վարդապետյանն էլ պնդեց, որ բոլոր դեպքերում ինքը այս հարցով կմտներ ԱԺ։ «Այո՛, կգայի։ Կգայի, քանի որ առանց դրա կստացվեր, որ մենք քննությունն արել ենք կիսատ և ոչ բոլոր անձանց ենք պատասխանատվության համար կանչել դատարան»,- հայտարարեց գլխավոր դատախազը։
Հիշեցնենք, որ ԱԺ-ն քննարկում է Գլխավոր դատախազի միջնորդությունը Հովիկ Աղազարյանին անձեռնմխելությունից զրկելու վերաբերյալ։ Աղազարյանին մեղադրանք է առաջադրվել երկու տարբեր դրվագներով։
Մանրամասները՝ տեսանյութում։
