10.05.2025 | 20:00
Թուրքիայում բախվել են բեռնատարն ու ավտոբուսը. կան զոհեր
Որևէ դավադրություն չկա․ Եղոյանը՝ նախագծից «արտահայտելով ժողովրդի կամքը» արտահայտությունը հանելու մասին․ ՏԵՍԱՆՅՈՒԹ
Քաղաքականություն
26.03.2025 | 10:56
ԱԺ նիստում երկրորդ ընթերցմամբ քննարկվում է Եվրոպական միությանը Հայաստանի Հանրապետության անդամակցելու գործընթացի մեկնարկի մասին քաղաքացիական նախաձեռնությունը: Եվրոպական ինտեգրման հարցերի մշտական հանձնաժողովի նախագահ Արման Եղոյանն արձագանքեց ընդդիմադիր պատգամավորների քննադատությանը՝ ինչու է նախագծից հանվել «Հայաստանն արտահայտելով ժողովրդի կամքը» արտահայտությունը։ Նրա խոսքով՝ այստեղ որևէ դավադրություն չկա։
««Հայաստանն արտահայտելով ժողովրդի կամքը» արտահայտությունը հանվել է և խմբագրվել է այսպես՝ Հայաստանը, նպատակ ունենալով զարգացնել ժողովորդավարական ինստիտուտները, բարձրացնել հասարակության բարեկեցությունը, անվտանգությունը և դիմակայունությունը, հայտարարում է Հայաստանի՝ ԵՄ-ին անդամակցելու գործընթացի մեկնարկը»,- փոխանցեց Եղոյանը։
Հարցի քննարկման ժամանակ ԱԺ «Հայաստան» խմբակցության քարտուղար Արծվիկ Մինասյանը տեղեկացրեց, որ խմբակցությունը չի մասնակցելու նախաձեռնության քվեարկությանը:
ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը հայտարարեց, որ խմբակցությունը կողմ է քվեարկելու քննարկվող նախաձեռնությանը:
Հիշեցնենք, որ խորհրդարանն առաջին ընթերցմամբ ընդունել էր ԵՄ-ին անդամակցելու գործընթացի մեկնարկի մասին օրինագիծը։
Մանրամասները՝ տեսանյութում։
