13.01.2026 | 16:48
Իրանցի պաշտոնյան հայտարարել է անկարգությունների ընթացքում շուրջ 2000 զոհի մասին
Տարբեր երկրներից հնչել են հստակ ազդակներ հաջակցություն ԵՄ-ին անդամակցելու գործընթացի․ Զեյնալյան․ ՏԵՍԱՆՅՈՒԹ
Քաղաքականություն
26.03.2025 | 10:35
ԱԺ նիստում երկրորդ ընթերցմամբ քննարկվում է Եվրոպական միությանը Հայաստանի Հանրապետության անդամակցելու գործընթացի մեկնարկի մասին քաղաքացիական նախաձեռնությունը:
Նախաձեռնող խմբի լիազոր ներկայացուցիչ Արտակ Զեյնալյանը տեղեկացրեց, որ Սահմանադրությամբ նախատեսված հնարավորության իրականացմամբ քաղաքացիական նախաձեռնությամբ ներկայացվել է օրենքի նախագիծ:
«Օրենքի կարգի պահպանմամբ Հայաստանի 1000-ից ավելի համայնքներից ընդամենը 44-ում օրենքով նախատեսված ժամկետի կեսում հավաքվել է օրենքով սահմանված նվազագույն ստորագրությունների կրկնապատիկը։ Հասարակակական հարցումները վկայում են այն մասին, որ ժողովուրդը հակված է, որպեսզի Հայաստանն անդամակցի Եվրոպական միությանը: Ներկայացրել ենք օրենքի նախագիծ, որն առաջին ընթերցմամբ քննարկվել է»,- ընդգծեց զեկուցողը:
Ի պատասխան ընդդիմադիրների հարցադրումների՝ Արտակ Զեյնալյանն ասաց, որ Եվրոպայի տարբեր մայրաքաղաքներից և կառույցներից հստակ ուղերձներ են հնչել՝ հաջակցություն ՀՀ-ի ԵՄ-ին անադամակցելու գործընթացի մեկնարկի մասին օրինագծի վերաբաբերյալ։
«Այն ապահովությունը, որը կա Եվրոպական միությունում, մենք ակնկալում ենք ԵՄ անդամակցելու գործընթացի ընթացքում ստանալ, որպեսզի այն տարածվի նաև Հայաստանի Հանրապետության վրա։ Երբ Հայաստանը դառնա ԵՄ անդամ, կդառնա նույն անվտանգության համակարգի մաս, ինչ ունի Միությունը։ Անվտանգությունը բազմաբաղադրիչ երևույթ է։ Դա միայն զինված ուժերի կամ պաշտպանության մասին չէ, այլև տնտեսության, ժողովրդավարության և ինստիտուտների, որոնք ապահովում են համապարփակ անվտանգություն։ Դառնալով Եվրոպական միության անդամ կամ ընթանալով այդ ուղղությամբ՝ ակնկալում ենք մտնել այդ անվտանգության հովանոցի տակ»,- նշեց Զեյնալյանը։
Մանրամասները՝ տեսանյութում։
