16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Խորհրդարանական ընտրությունները դեկտեմբերին տեղի չեն ունենա միայն մի դեպքում․ Նիկոլ Փաշինյան
Քաղաքականություն
02.10.2018 | 18:45
Այսօրվա իրադարձությունները որոշակի ֆորսմաժոր են մտցրել քաղաքական իրավիճակի մեջ, և, ես կարծում եմ, որ ՀՀ-ում արտահերթ խորհրդարանական ընտրությունները տեղի կունենան դեկտեմբերի առաջին կեսին և տեղի կունենան օրինականության և Սահմանադրության լիարժեք պահպանմամբ, որի մեխանիզմը մեր թիմն ունի։
«Խորհրդարանական ընտրությունները դեկտեմբերի առաջին կեսին տեղի չեն ունենա միայն մի պատճառով, եթե պարզվի, որ ՀՀ քաղաքացիներն այդ գաղափարը չեն պաշտպանում․ սա էլ իր հերթին քաղաքական հետևանքներ կունենա, և ես պատրաստ եմ առերեսվել այդ քաղաքական հետևանքների հետ»,-այսօր ֆեյսբուքյան ուղիղ եթերի ժամանակ ասաց Նիկոլ Փաշինյանը։
«Շատ է քննարկվում, բա որ ընտրությունների արդյունքները լինեն այնպիսին, ինչպիսի Երևանի ավագանու ընտրությունների ժամանակ էր, սակայն գործող Սահմանադրությամբ Ազգային ժողովում չի կարող լինել ուժերի այն բաշխվածությունը, որը կա ավագանիում, քանի որ խորհրդարանում պետք է լինի 30 տոկոս ընդդիմություն»,-ասաց վարչապետը։
Վերջինս նաև շեշտեց, որ եթե խորհրդարանական ուժերն ընդունեն իր առաջարկած օրակարգը, իրենք պատարստ են լրջագույն բարեփոխումների ենթարկել նաև Ընտրական օրենսգիրքը և ժողովրդի պահանջով դեկտեմբերին կազմակերպել խորհրդարանական արտահերթ ընտրություններ։
