Քանի՞ անգամ եք «Ջորի»-ով գնացել բանակցությունների․ Հայկ Կոնջորյան․ ՏԵՍԱՆՅՈՒԹ

«Ընդդիմության այս նախագիծը ոչ թե պարզապես պոպուլիզմ է, այլ «շուստրի» պոպուլիզմ, որովհետև որակյալ պոպուլիզմը դժվար բան է իրականում»,- այս մասին ԱԺ-ում հայտարարեց «Քաղաքացիական պայմանագիր» խմբակցության ղեկավար Հայկ Կոնջորյանը: Անդրադառնալով ընդդիմադիր պատգամավոր Արթուր Խաչատրյանի քննադատություններին Կոնջորյանն արձագանքեց, որ նրանց քաղաքական ուժը ապօրինի գույքի գլխավոր շահառուն է:

«Էս թեմայի համատեքստում ասում է՝ փոխվարչապետներին մեքենա եք առել, ինչի՞ փոխվարչապետը «Ջորի»-ով չի գնում Ադրբեջանի փոխվարչապետի հետ հանդիպի: Տեսել ենք ձեզ էլի, քանի՞ անգամ եք «Ջորի» գնացել բանակցությունների: Գնացե՞լ եք: Այսօր դատախազությունը այնքան ապօրինի գույք է ուզում, մեջը մի հատ ջորի չկա բառի բուն և մեքենաշինական իմաստով: Միլիարդների ապօրինի գույք է ուզում: Այսինքն՝ ասում է՝ փոխվարչապետների ծառայողական մեքենայով կարելի էր թոշակները բարձրացնել»,- նկատեց իշխող ուժի ներկայացուցիչը։

Նշենք, որ ԱԺ նիտում քննարկվում է «Հայաստան» խմբակցության հեղինակած՝ «Պետական կենսաթոշակների մասին» օրենքում լրացումներ կատարելու մաuին օրենքի նախագիծն առաջին ընթերցմամբ ընդունելու մասին հարցը:

Իսկ «Հայաստան» խմբակցությունը նախաձեռնել է օրենքի նախագիծ, որով առաջարկում է 2026 թվականի հունվարի 1-ից նվազագույն կենսաթոշակի չափը սահմանել այնպես, որ այն պակաս չլինի պարենային զամբյուղի ամսական արժեքից, իսկ միջին աշխատանքային կենսաթոշակի չափը պակաս չլինի սպառողական զամբյուղի ամսական արժեքից:

Մանրամասները՝ տեսանյութում։