18.05.2026 | 18:20
Ոնց կարանք չվերադարձնենք, զբաղվող ա պետք․ Ծառուկյանը՝ Բաքվի գերիների մասին․ ՏԵՍԱՆՅՈՒԹ
2018թ. դեկտեմբերին ՀՀ-ում տեղի են ունենալու արտահերթ խորհրդարանական ընտրություններ. Նիկոլ Փաշինյան․ ՏԵՍԱՆՅՈՒԹ
Քաղաքականություն
02.10.2018 | 17:57
«Ես կարծում եմ, որ մենք պետք է արձանագրենք հետևյալը, որ վերջին զարգացումներից հետո 2018 թվականի դեկտեմբերին Հայաստանում տեղի են ունենալու արտահերթ խորհրդարանական ընտրություններ»,- այսօր ԱԺ-ում լրագրողների հետ զրույցում ասաց վարչապետ Նիկոլ Փաշինյանը։
Վարչապետը նշեց, որ եթե մինչ այս հարց էր Հայաստանում կա՞ արդյոք հակահեղափոխություն, թե՝ ոչ, ինքը հիմա կարող է արձանագրել, որ կա։ Նա խորհրդարանական մի քանի ուժերի կողմից ԱԺ կանոնակարգ օրենքի փոփոխությանն ուղղված քայլերին անդրադառնալով ասաց, որ այդ օրինագծի կողմակիցները հակահեղափոխականներ են․ «Հակահեղափոխություն են բոլոր նրանք և անհատապես, և բոլոր այն ուժերը, որոնք պատրաստվում են հաստատել նախագիծը, որը, ինձ հավատացնում են, երեք քաղաքական ուժերի կողմից ներկայացվող նախագիծ է։ Ցանկացած պատգամավոր, որը կհայտարարի, որ պաշտպանում է այդ նախագիծը, ես կհայտարարեմ, որ այո՛, նա հակահեղափոխության ներկայացուցիչ է և ցանկանում է, որպեսզի կոռուպցիոն համակարգն իշխանության նկատմամբ հասնի ռևանշի»։
Մանրամասները՝ տեսանյութում։
