28.09.2026 | 22:41
Մի շարք բնակավայրերում գազանջատումներ կլինեն
Ո՞ր ավտորիտար երկրում է ընդդիմադիր պատգամավոր Նիկոլ Փաշինյանն իրականացնում թավշյա հեղափոխություն․ Էդուարդ Շարմազանով․ ՏԵՍԱՆՅՈՒԹ
Քաղաքականություն
02.10.2018 | 18:03
Իրավական առումով Հայաստանի օրենսդիր մարմինը ինքնալուծարելու որևէ հիմք չկա։
Այս մասին այսօր Ազգային ժողովի հայտարարությունների ժամին ասաց ԱԺ փոխնախագահ էդուարդ Շարմազանովը՝ հիշեցնելով, որ եթե երեկ Նիկոլ Փաշինյանը հայտարարում է, որ արտահերթ խորհրդարանական ընտրությունները պետք է անցկացվեն 2-3 ամսվա ընթացքում, ապա մեկ ամիս առաջ նշում էր, որ դրանք պետք է տեղի ունենան կամ մայիսին, կամ՝ հունիսին, իսկ վարչապետ ընտրվելուց հետո էլ հայտարարել էր, որ այն պետք է տեղի ունենա կոնսենսուսի և Ընտրական օրենսգրքի փոփոխություններից հետո։
«Ու՞ր է ընդունված Ընտրական օրենսգիրքը և ու՞ր է կոնսենսուս այս դահլիճում»,-ասաց Շարմազանով՝ նշելով, որ արտահերթ ընտրությունների հրատապ անցկացումը ճանապարհ կհարթի մեկ անձի քաղաքական լիակատար մենաշնորհի համար, ինչը անթույլատրելի է։
Ըստ Շարմազանովի՝ նոր իշխանությունն ավելի հեռու է գնաց և ՄԱԿ-ի բարձր ամբիոնից ՀՀ -ում գործող նախկին համակարգը համարեց ավտորիտար։
«Ո՞ր ավտորիտար երկրում է ընդդիմադիր պատգամավոր Նիկոլ Փաշինյանն ունենում 9 հոգանոց խմբակցություն, էլ չեմ ասում՝ իրականացնում թավշյա հեղափոխություն»,-հարցադրում հնչեցրեց ԱԺ փոխնախագահը։
Մանրամասները՝ տեսանյութում։
