03.07.2026 | 10:48
Քրեական աստիճանակարգության բարձրագույն կարգավիճակ ունեցող անձը մասնավոր վեճ է լուծել․ գործն ուղարկվել է դատախազին
Ամեն մարդ իր դարդը թող լացի․ մենք խաղեր չենք տալիս․ Էդմոն Մարուքյան․ ՏԵՍԱՆՅՈՒԹ
Քաղաքականություն
02.10.2018 | 17:49
Ազգային ժողովի «Ելք» խմբակցության պատգամավոր Էդմոն Մարուքյանը ԱԺ ամբիոնից հույս հայտնեց, որ «Ծառուկյան» խմբակցության պատգամավոր Գևորգ Պետրոսյանը չի բավարարվում միայն հոդվածների վերնագրերը կարդալով և ծանոթանում է նաև այդ հոդվածների բովանդակությանը։ Այս մասին պատգամավորն ասաց ԱԺ հայտարարությունների ժամին՝ արձագանքելով Գևորգ Պետրոսյանի՝ իրենց հասցեին արված քննադատությանը։
«Ինչո՞ւ է ոգևորվել Գևորգ Պետրոսյանն ընդհանրապես, որովհետև նա պետաիրավական հանձնաժողովում արել է առաջարկություն պատգամավորի վրա ճնշում գործադրելու մասին, հիմա ասում ենք, որ այդ առաջարկությունը կապ ունի վարչապետի կողմից պլանավորված նախագծի հետ՝ առ այն, որ նա կարող է երկու անգամ հրաժարական տալ և երկու անգամ չընտրվել։ Հիմա ասում ենք՝ սա դրա հետ կապ ունի, հիմա եթե էդքան դուխ ունես, դրա համար ես առաջարկում, դուխ ունեցի՝ ասա դրա հետ կապ ունի, թե չէ առաջարկում ես, հետո էլ ասում՝ դրա հետ կապ չունի»,- ասաց պատգամավորը։
Վերջինս նաև նշեց․ «Ամեն մարդ իրա դարդը թող լացի, մենք ոչ մեկի հետ ոչ մի խնդիր չունենք։ Ասել ենք աջակցում ենք՝ աջակցում ենք, խաղեր չենք տալիս»:
Մանրամասները՝ տեսանյութում։
