12.03.2026 | 23:35
Վթար Երասխ-Երևան ավտոճանապարհին․ կան տուժածներ
Թաղապետերը հերթով զեկուցում են` ինչ աշխատանքներ են արվելու վարչական շրջաններում․ ՏԵՍԱՆՅՈՒԹ
Քաղաքականություն
24.03.2025 | 10:25
Վարչական շրջանների ղեկավարները գործակարգավարական խորհրդակցության ժամանակ զեկուցեցին, թե ինչ աշխատանքներ են նախատեսվում իրականացնել այս տարի։
«Կայացել են մի շարք մրցույթներ։ Բազմաբնակարան շենքերի հարթ և թեք տանիքների վերանորոգման համար նյութերի ձեռքբերման փուլն է։ 7 զրուցատաղավարի, 80 նստարանների, 100 աղբամանների ձեռքբերման և տեղադրման, հենապատերի վերանորոգման մրցույթի համար կազմված փաստաթղթերն ուղարկվել են քաղաքապետարան»,- զեկուցեց Մալաթիա-Սեբաստիա վարչական շրջանի ղեկավար Ռոմիկ Մխիթարյանը։
Շենգավիթ վարչական շրջանի ղեկավար Ռազմիկ Մկրտչյանն ասաց, որ 2025-ին 18 բակային տարածքներ են նախատեսում բարեկարգել, և 3-ում արդեն աշխատանքները սկսվել են։
Նոր Նորք վարչական շրջանի ղեկավար Տիգրան Տեր-Մարգարյանը զեկուցեց, որ այս տարի 10 բակային տարածքի բարեկարգում, վերակառուցում են նախատեսում։
Աջափնյակ վարչական շրջանի ղեկավար Սերոբ Սարգսյանի տեղեկացմամբ էլ՝ այս տարի 7 բակային տարածքների բարեկարգում և 3 ֆուտբոլի դաշտի կառուցման աշխատանքներ են նախատեսվում։
Մանրամասները՝ տեսանյութում։
