03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Նեթանյահուի կառավարությունը պաշտոնանկ է արել Իսրայելի հետախուզական գործակալության ղեկավարին․ ընդդիմությունը դիմել է Գերագույն դատարան
Քաղաքականություն
21.03.2025 | 17:27
Իսրայելի կառավարությունը միաձայն կողմ է արտահայտվել վարչապետ Բենիամին Նեթանյահուի դիմումին Իսրայելի «Շին Բեթ» (Շաբակ) ընդհանուր անվտանգության ծառայության ղեկավար Ռոնեն Բարին պաշտոնից հեռացնելու մասին՝ չնայած որոշման դեմ մի քանի օր շարունակվող բողոքի ակցիաներին, գրում է France 24-ը։
Կառույցն ապահովում է ներքին անվտանգությունը, զբաղվում է հակահետախուզությամբ։
Բողոքի զանգվածային ցույցեր են տեղի ունեցել Բարի հրաժարականի դեմ։ Վարչապետի որոշումից անմիջապես հետո հազարավոր մարդիկ դուրս են եկել Երուսաղեմի փողոցներ։
Լրատվամիջոցը գրում է, որ Ռոնեն Բարին աշխատանքից հեռացնելու՝ ուշ գիշեր կայացված որոշումը խորացնում է իշխանության համար պայքարը, որը հիմնականում կենտրոնացած է այն բանի վրա, թե ով է պատասխանատու ՀԱՄԱՍ-ի հարձակման համար, որը սկիզբ դրեց Գազայում պատերազմին: Դա կարող է նաև հիմք ստեղծել երկրում իշխանությունների տարանջատման հետ կապված ճգնաժամի համար։
Իսրայելի գլխավոր դատախազը որոշում է կայացրել, որ նախարարների կաբինետը իրավական հիմքեր չունի աշխատանքից հեռացնելու պաշտոնյային, ում պաշտոնանկությունը լայնորեն դիտարկվում է որպես Նեթանյահուի կողմից անձնական վենդետայի արդյունք:
Իսրայելի ընդդիմությունը և հասարակական կազմակերպությունը միջնորդություն են ներկայացրել վարչապետ Նեթանյահուի՝ Ռոնեն Բարին պաշտոնանկ անելու որոշման դեմ։
Իսրայելում որակյալ կառավարում շարժումն իր հերթին դատապարտել է կառավարության «անօրինական որոշումը, որն իրական վտանգ է ներկայացնում Իսրայել պետության ազգային անվտանգության համար»։ Ընդդիմության առաջնորդ Յաիր Լապիդի աջ կենտրոնամետ կուսակցությունը հայտարարել է, որ բողոք է ներկայացրել Գերագույն դատարան և դատապարտել «որոշումը, որը հիմնված է շահերի բացահայտ բախման վրա»:
Թարգմանությունը՝ Էմմա Չոբանյանի
