14.05.2026 | 18:02
ՌԴ ԶՈՒ-ն Ուկրաինայի վրա հարձակվել է ռեկորդային՝ ավելի քան 1400 ԱԹՍ-ով
Սոթքում կրակե՞լ են․ Սուրեն Պապիկյանի պարզաբանումը․ ՏԵՍԱՆՅՈՒԹ
Քաղաքականություն
21.03.2025 | 12:46
Արբանյակային նկարները չեն կարող ցույց տալ գնդակների կրակել-չկրակելու փաստը․ լրագրողների հետ զրույցում հայտարարեց ՀՀ պաշտպանության նախարար Սուրեն Պապիկյանը՝ անդրադառնալով ադրբեջանական կողմից տարածված ապատեղեկատվությանն ու հարցին` ինչո՞ւ հայկական կողմը արբանյակային տվյալներ չի հրապարակում։
«Դրա համար պետք են տեսագրություններ, իսկ քանի որ մեղադրողը մենք չենք, այլ՝ մեր հարևանը, մենք ասում ենք՝ եթե ունեք ապացույցներ, տրամադրեք մեզ, մենք պատրաստ ենք ուսումնասիրել, հետաքննել, մինչ օրս չենք ստացել նմանատիպ արձագանք»,- ասաց նա։
Նախարարի խոսքով՝ ադրբեջանական կողմից զորքերի տեղաշարժ չկա։
«Մամուլում ապատեղեկատվությունը, որ տեղի են ունենում կուտակումներ, զորքերի տեղաշարժեր, ՊՆ-ն չի հաստատում»,- ընդգծեց նախարարը։
Նա հավաստիացրեց, որ ՊՆ-ն սահմանային իրավիճակի վերաբերյալ մշտապես տալիս է տեղեկատվություն։
Մանրամասները` տեսանյութում։
