28.03.2025 | 21:00
Սպառնալիքներ, հայհոյանքներ, վիրավորանք. ինչո՞ւ է քաղաքական դիսկուրսի մակարդակն այսպիսին
ԱՄՆ-ը Սաուդյան Արաբիայում «անուղղակի բանակցություններ» կկազմակերպի Ուկրաինայի և Ռուսաստանի միջև
Քաղաքականություն
21.03.2025 | 13:00
ԱՄՆ-ն այս շաբաթ Սաուդյան Արաբիայում անուղղակի բանակցություններ կկազմակերպի Ռուսաստանի և Ուկրաինայի պատվիրակությունների միջև: ABC-ին տված հարցազրույցում այս մասին հայտնել է ԱՄՆ նախագահի հատուկ բանագնաց Քիթ Քելլոգը, գրում է DW-ի ռուսական ծառայությունը։
«Մի խումբը լինելու է մի սենյակում, մյուս խումբը՝ մեկ այլ։ Նրանք կնստեն, կխոսեն, կգնան: Մի տեսակ մաքոքային դիվանագիտություն հյուրանոցում, այդպես է աշխատելու: Եվ այդ ժամանակ մենք կբացահայտենք, թե ինչ դիրքորոշում ունեն»,- պարզաբանել է Քելլոգը:
Հանդիպմանը Վաշինգտոնը ներկայացնելու են ԱՄՆ ազգային անվտանգության հարցերով խորհրդական Մայքլ Ուոլցը, պետքարտուղար Մարկո Ռուբիոն և քաղաքականության պլանավորման տնօրեն Մայքլ Անտոնը։
Ավելի վաղ Ուկրաինայի նախագահ Վլադիմիր Զելենսկին և ՌԴ նախագահի օգնական Յուրի Ուշակովը հաստատել էին, որ մարտի 24-ին Ռիադում նախատեսված է ԱՄՆ-ի հանդիպումը Ռուսաստանի և Ուկրաինայի պատվիրակությունների հետ։
Զելենսկին հայտնել է, որ Ուկրաինան բանակցություններում կներկայացնի «տեխնիկական թիմը»։ Նա նշել էր, որ նախ կկայանա հանդիպում ուկրաինական և ամերիկյան կողմերի միջև, այնուհետև ամերիկացիները կհանդիպեն ռուսների հետ։ Բանակցությունների թեման լինելու է էներգետիկ օբյեկտների հետ կապված հրադադարի ռեժիմի հաստատումը։
Ռուսաստանը բանակցություններում կներկայացնեն Դաշնային խորհրդի միջազգային հարաբերությունների հանձնաժողովի ղեկավար Գրիգորի Կարասինը և ԱԴԾ տնօրենի խորհրդական Սերգեյ Բեսեդան։
Թարգմանությունը՝ Էմմա Չոբանյանի
