24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Լոնդոնի «Հիթրոու» օդանավակայանը փակվել է էլեկտրական ենթակայանում հրդեհի պատճառով․ ՏԵՍԱՆՅՈՒԹ
Քաղաքականություն
21.03.2025 | 11:15
Լոնդոնի «Հիթրոու» օդանավակայանը մարտի 21-ին փակ կլինի էլեկտրական ենթակայանում հրդեհի պատճառով, որն օդանավակայանին էլեկտրաէներգիա է մատակարարում։ Այս մասին ասվում է օդանավակայանի հաղորդագրության մեջ։
«Օդանավակայանին էլեկտրաէներգիա մատակարարող ենթակայանում բռնկված հրդեհի պատճառով «Հիթրոու»-ում զգալի անջատում է տեղի ունեցել։ Մեր ուղևորների և գործընկերների անվտանգությունը պահպանելու համար «Հիթրոու»-ն փակ կլինի մինչև մարտի 21-ի ժամը 23:59-ը։ Ուղևորներին խորհուրդ է տրվում չգնալ օդանավակայան, այլ լրացուցիչ տեղեկությունների համար դիմել իրենց ավիաընկերությանը»,- ասվում է X-ի միկրոբլոգում հրապարակված հաղորդագրությունում։
Բրիտանական լրատվամիջոցները գրում են, որ հրդեհը բռնկվել է մարտի 20-ի ուշ երեկոյան Լոնդոնի արևմուտքում գտնվող էլեկտրական ենթակայանում՝ օդանավակայանից մոտ երկու կիլոմետր հեռավորության վրա։ Առանց էլեկտրականության են մնացել ավելի քան 16 հազար բնակարաններ ու տներ։
Հրդեհի պատճառը դեռևս պարզված չէ։
Հաղորդվում է, որ օդանավակայանի փակման պատճառով առնվազն 1351 չվերթ կչեղարկվի։ Տասնյակ չվերթներ արդեն տեղափոխվել են այլ օդանավակայաններ։
Թարգմանությունը՝ Էմմա Չոբանյանի
