06.10.2026 | 17:14
Նովակ Ջոկովիչը տիտղոս նվաճեց մի մրցաշարում, որտեղ երբեք չի պարտվել. ՏԵՍԱՆՅՈՒԹ
Եթե խաղաղության պայմանագիրը կապիտուլյացիա է, ինչո՞ւ է Ադրբեջանը դիմադրում այն ստորագրել․ Խաչատրյան․ ՏԵՍԱՆՅՈՒԹ
Քաղաքականություն
20.03.2025 | 17:17
Հայաստանի շահերին հակասում է, որ մենք կրակենք Ադրբեջանի ուղղությամբ, այս մասին Factor TV-ի հետ զրույցում ասաց ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանն՝ անդրադառնալով ադրբեջանական կողմից վերջին օրերին տարածած ապատեղեկատվությանը, իբրև, հայկական կողմը կրակում է։
«Այս տարածաշրջանում ՀՀ-ի և Ադրբեջանի միջև խաղաղությունն այլընտրանքային չունի։ Հուսով եմ՝ մոտ ժամանակներս կփոխվի Ադրբեջանի դիրքորոշումը և խաղաղության պայամանգիրը կստորագրվի։ Որևէ տրամաբանություն չկա, թե ինչու են նրանք ձգձգում խաղաղության պայմանագրի ստորագրումը։ Եթե չեն ստորագրում, գուցե ապակայունացնող նպատակներ ունեն։ Այդ նպատակները տեսանելի են ամբողջ աշխարհի համար։ Չեմ կարծում, որ դրանով Ադրբեջանը կարող է հեռուն գնալ»,- նշեց նա։
ԱԺ պաշտպանության և անվտանգության մշտական հարցերի հանձնաժողովի փոխնախագահը նաև անդրադարձավ ընդդիմադիրների այն դիտարկումներին, որ խաղաղության պայմանագիրը միակողմանի զիջումներ պարունակող և կապիտուլյացիոն փաստաթուղթ է։ Արմեն Խաչատրյանի խոսքով՝ եթե խաղաղության պայմանագիրը կապիտուլյացիա է ինչո՞ւ Ադրբեջանն այն չի ստորագրում։
Արձագանքելով դիտարկմանը, թե Ադրբեջանը կեղծ տեղակատվական ֆոնով, գուցե, հող է նախապատրաստում, այպես կոչված, միջանցք բացելու համար, Խաչատրյանն ասաց՝ «Զանգեզուրի միջանցք» ոչ ոք չի կարող ուժով բացել։
Մանրամասները՝ տեսանյութում։
