22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
Բայրամովը Նիդերլանդների ԱԳՆ ղեկավարին խաղաղության պայմանագրի կնքման Բաքվի պահանջներն է հնչեցրել, խոսել Արցախի ղեկավարների շինծու դատերից
Քաղաքականություն
20.03.2025 | 11:20
Ադրբեջանի ԱԳ նախարար Ջեյհուն Բայրամովը Նիդերլանդների ԱԳ նախարար Կասպար Վելդկամպի հետ հետ հեռախոսազրույցում մանրամասն տեղեկացրել է տարածաշրջանում առկա իրավիճակի և իրողությունների, ինչպես նաև Ադրբեջանի և Հայաստանի միջև հարաբերությունների կարգավորման գործընթացի մասին ու կրկին ադրբեջանական նախապայմանները առաջ քաշել, հաղորդում է ադրբեջանական կողմը։
Նա ընդգծել է, որ չնայած Ադրբեջանի և Հայաստանի միջև խաղաղության համաձայնագրի տեքստի շուրջ բանակցությունների ավարտին՝ Հայաստանի Սահմանադրության մեջ, իբր, Ադրբեջանի նկատմամբ տարածքային պահանջների առկայությունը, ինչպես նաև հայկական կողմի դիրքորոշումը Մինսկի խմբի ու ԵԱՀԿ այլ համապատասխան կառույցների նկատմամբ խոչընդոտներ են ստեղծում, և կարևոր է այդ խոչընդոտների վերացումը՝ համաձայնագիրը ստորագրելու համար։
Բայրամովն անդրադարձել է նաև Ադրբեջանում ապօրինի պահվող Արցախի ռազմաքաղաքական ղեկավարներին, նրանց դեմ հարուցված շինծու քրեական գործերով դատավարություններին։
«ԱԳՆ ղեկավարը նաև տեղեկացրել է Ադրբեջանի դեմ հանցագործություններ կատարելու մեջ մեղադրվող անջատողական առաջնորդների և հայազգի անձանց դատավարության մասին և նշել, որ հակաահաբեկչական միջոցառումներից հետո Ադրբեջանը, ցուցաբերելով մարդասիրություն, թույլ է տվել հայկական անօրինական զինված խմբավորումների ավելի քան 10 հազար ներկայացուցիչների լքել երկիրը։ Նշվել է, որ ձերբակալվածները մեղադրվում են մարդկության դեմ հանցագործությունների մեջ, ընդգծվել է, որ Ադրբեջանի դեմ զրպարտչական արշավը, որն իրականացվում է այդ ձերբակալությունների, իբր, անհիմն լինելու կապակցությամբ, որևէ հիմք չունի»,- ասվում է Ադրբեջանի ԱԳՆ-ի տարածած հաղորդագրությունում։
Թարգմանությունը՝ Էմմա Չոբանյանի
