13.01.2026 | 14:49
Սա ինձ համար անձնական ողբերգություն է. Պապիկյանը՝ 15 զինվորի կյանք խլած Ազատի կացարանի հրդեհի մասին. ՏԵՍԱՆՅՈՒԹ
Փուչիկ է, մինիմալ գիտելիքների չեք տիրապետում․ բանավեճ՝ Աղազարյանի և Պապոյանի միջև. ՏԵՍԱՆՅՈՒԹ
Քաղաքականություն
19.03.2025 | 14:43
ԱԺ տնտեսական հարցերի մշտական հանձնաժողովի նիստում նախորդ տարվա կատարողականը ներկայացնելիս էկոնոմիկայի նախարարը հայտարարեց, որ բարձր տնտեսական աճ ունենք՝ 5, 9 տոկոս։
Անկախ պատգամավոր Հովիկ Աղազարյանը Պապոյանին հարցրեց հարկեր – ՀՆԱ հարաբերակցությունից։ Նախարարը պատասխանեց, որ հարկեր – ՀՆԱ հարաբերակցության վերաբերյալ տվյալները հասանելի են համացանցում, և պատգամավորը կարող է այդտեղից տեղեկանալ, բայց եթե նա զլանում է այդ թիվը համացանցից իմանալ, ապա ինքը կարող է ասել, որ հարաբերակցությունը 23, 6 տոկոս է։
Պապոյանի նախկին թիմակից Աղազարյանն էլ արձագանքեց, որ հարկեր- ՀՆԱ հարաբերակցությունը նվազել է։
«Ձեր պատասխաններում գնահատականներ եք հնչեցնում, ես էլ ուզում եմ սառը ջուր լցնել Ձեր ոգևորության վրա։ Էդ որ ասում եք՝ էդքան տնտեսական աճ է, մի մասը փուչիկ է։ Եթե հարկեր – ՀՆԱ հարաբերակցությունը չի պահպանել նախորդ տարվա ցուցանիշը, ուրեմն, Ձեր ասածը փուչիկ է, փուչիկի մասին մի խոսացեք»,- ասաց Աղազարյանը։
Պապոյան էլ արձագանքեց, որ 5,9 տոկոս տնտեսական աճը փաստ է։ Աղազարյանն էլ շարունակեց․ «Ոսկի՞ եք արտահանել»։ Նախարարն էլ այսպես արձագանքեց․ «Ցավում եմ, որ պատգամավորը մինիմալ գիտելիքների չի տիրապետում»։
