07.09.2026 | 21:14
Հոբարձիում հյուրատան մոտ փոխհրաձգություն է եղել․ ոստիկանները բացահայտել են սպանության փորձի դեպքը. ՆԳՆ
Փաստաբաններին 5 %-ի չափով անվճար ծառայության քվոտա ենք տալիս․ Բաբկեն Թունյան․ ՏԵՍԱՆՅՈՒԹ
Տնտեսություն
19.03.2025 | 13:05
ԱԺ տնտեսական հարցերի մշտական հանձնաժողովում երկրորդ ընթերցմամբ քննարկվում է «ՀՀ հարկային օրենսգրքում լրացումներ և փոփոխություններ կատարելու մասին» օրենսդրական փաթեթը:
ՀՀ ֆինանսների նախարար Վահե Հովհաննիսյանը նշեց, որ առաջարկվում է այս տարվա հուլիսի 1-ից միկրոձեռնարկատիրական հարկման և շրջանառության հարկով հարկման համակարգից հարկման ընդհանուր համակարգ տեղափոխել միայն իրավաբանական, հաշվապահական, գլխամասային գրասենյակների, կառավարման հարցերով խորհրդատվության, ժամանակավոր աշխատուժով ապահովման գործունեություններ ծավալող ընկերություններին:
ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը հիշեցրեց, որ փաթեթը երկար քննարկում է անցել, դրա վերաբերյալ եղել են նաև խորհրդարանական լսումներ. արդյունքում՝ հեղինակները պատրաստակամություն են հայտնել առաջարկների հիման վրա առաջին ընթերցումից հետո օրինագիծը խմբագրել: Թունյանը հայտնել է, որ փաստաբանները բողոքում էին հարկային փոփոխություններից և փաստաբաններին 5 %-ի չափով անվճար ծառայության քվոտա են տալիս։
Հիշեցնենք, որ հարկային օրենքգրքի փոփոխությամբ հունվարի 1-ից փաստաբանները 5 տոկոսանոց շրջանառության հարկի փոխարեն պետք է վճարեն ավելի շատ հարկ՝ շահութահարկ և ավելացված արժեքի հարկ՝ համապատասխանաբար՝ 18 և 20 տոկոս համամասնությամբ, ինչի դեմ նրանք բողոքի ակցիաներ և գործադուլ արեցին։
