07.09.2026 | 17:42
Բաքուն Սոթքի հանքավայրի ադրբեջանական հատվածում իրականացրել է առաջին հորատապայթեցման աշխատանքները
ՀԷՑ-ն այլևս նման խորհուրդ չի կարող տալ․ ՀԾՀԿ նախագահը՝ էներգետիկ ոլորտում մոնոպոլ դիրքի մասին․ ՏԵՍԱՆՅՈՒԹ
Տնտեսություն
19.03.2025 | 12:54
ԱԺ տնտեսական հարցերի մշտական հարցերի հանձնաժողովի նիստում քննարկվում է ՔՊ պատգամավորներ Ծովինար Վարդանյանի և Արուսյակ Վարդանյանի հեղինակած օրինագիծը, որով առաջարկում են փոփոխություններ կատարել «Էներգետիկայի մասին» օրենքում: Նախագծի համահեղինակ Ծովինար Վարդանյանը նշեց, որ էլեկտրաէներգետիկական շուկային մասնակցության նպատակով լիցենզիա է ստացել շուրջ 22 մատակարար, որոնցից, սակայն, շուկայում փաստացի գործունեություն է ծավալում միայն 6-ը, ինչը, ըստ նրա, խնդրահարույց է:
Նրա խոսքով՝ շուկայում գործող 6 մատակարարներից իրենց առևտրի ծավալներով առաջինից երրորդ տեղերում գտնվող ընկերությունների առևտրի ծավալները տարբերվում են ավելի քան հինգ անգամ: Վարդանյանն ասաց, որ այս փոփոխություններով կընդլայնվի էլեկտրաէներգիա վաճառողների շրջանակը։
ՔՊ պատգամավոր Սերգեյ Բագրատյանը նկատեց, որ մատակարարը խոշոր ընկերություններին խորհուրդ է տալիս, թե էլէկտրաէներգիա որ մատակարարից գնի։ Պատգամավորը հետաքրքրվեց, թե նոր փոփոխություններով այս հարցը լուծվում է, թե՝ ոչ։
Ի պատասխան հարակից զեկուցող Հանրային ծառայությունները կարգավորող հանձնաժողովի նախագահ Մեսրոպ Մեսրոպյանն արձագանքեց, որ նոր օրենքով ՀԷՑ-ն այլևս նման խորհուրդ չի կարող տալ։
Մանրամասները՝ տեսանյութում։
