14.06.2026 | 23:18
Գիշերվա կեսին գողացան ժողովրդի քվեն. Տոնոյանը` ԿԸՀ-ի որոշման մասին. ՏԵՍԱՆՅՈւԹ
Ավագանու մանդատը դրել է, հիմա ինչ-որ նախաձեռնություն է բերել, ստորագրահավաքն էլ՝ մանիպուլյատիվ․ ՏԵՍԱՆՅՈՒԹ
Քաղաքականություն
18.03.2025 | 16:38
Երևանի ավագանու այսօրվա հերթական նիստին «ՔՊ» և «Հանրապետություն» խմբակցությունները չմասնակցեցին «Մայր Հայաստան» խմբակցության նախագծի քննարկմանը, և արդյունքում նիստ տեղի չունեցավ, քանի որ նիստ վարող չկար։ Նախագիծը ներկայացնելու համար քաղաքապետարան էր եկել «Մայր Հայաստան» շարժման առաջնորդ Անդրանիկ Թևանյանը։
ՔՊ խմբակցության ղեկավար Արմեն Գալջյանը լրագրողների հետ զրույցում ասաց, որ իրենք իրենց դիրքորոշումն արդեն արտահայտել են՝ մասնակցելով ստորագրությունների հիմքով այլ խմբակցության (նկատի ունի «Ազգային առաջընթաց խմբակցությունը – խմբ․) ներկայացրած նախագծի քննարկմանը։
«Հիմա ստորագրահավաք է կազմակերպել մի մարդ, որն ավագանու անդամ է ընտրվել, չի եկել որևէ նիստի, միանգամից մանդատը դրել է, հիմա ինչ-որ նախաձեռնություն է արել՝ ստորագրահավաք և գիտենք, որ դա, ըստ էության, մոլորեցնող բնույթ է կրել։ Որովհետև իրենք 300 դրամի պաստառով պտտվել են և ասել են, որ 300 դրամ է հավաքվել և մարդիկ դա իմանալով են ստորագրել։ Մենք գտնում ենք, որ հարցն այլևս արդիական չէ, որովհետև իրենց բոյկոտն էլ հաջողության չհասավ»,- նշեց Գալջյանը։
Մանրամասները՝ տեսանյութում։
Արփի Հակոբյան
