13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Դա թող մնա իմ ու Նիկոլ Փաշինյանի գաղտնիքը. Վահրամ Բաղդասարյանը՝ վարչապետի հետ հանդիպման մասին
Քաղաքականություն
01.10.2018 | 22:23
Ազգային ժողովի «Հանրապետական» խմբակցության ղեկավար Վահրամ Բաղդասարյանն այսօր Նիկոլ Փաշինյանի հետ հանդիպումից հետո բանակցությունները որակեց շատ դրական, որի ընթացքում կարողացել են ձեռք բերել նորմալ պայմանավորվածություններ:
Վահրամ Բաղդասարյանը նշեց, որ այս բանակցությունները շարունակական են լինելու, իսկ ՀՀԿ-ն կողմ է, որ հարցը լուծվի սահմանադրական ճանապարհով:
«Մենք պետք է գնանք Սահմանադրական ճանապարհով: Եթե լինեն անհրաժեշտություններ, ցանկացած փոփոխություններ, որոնք միտված կլինեն մեր երկրի զարգացմանը, մենք չենք կարող կողմ չլինել: Մենք պետք է ունենանք այնպիսի խորհրդարան, որտեղ կլինի իրական ընդդիմություն»,-ասաց Բաղդասարայնը՝ շեշտելով, որ արտահերթ ընտրություններն արագ կազմակերպելով կզրկեն մյուս կուսակցություններին այդ ընտրություններին պատրաստվելու հնարավորությունից:
Վահրամ Բաղդասարյանը նաև շեշտեց, որ փողոց դուրս գալով խորհրդարան չեն ձևավորում, իսկ ՀՀԿ-ն կպատրաստվի ընտրությունների՝ անկախ նրանից՝ դրանք կլինեն արտահերթ, թե հերթական:
Այնուամենայնիվ, ինչու այսօրվա հանդիպման ընթացքում չհաջողվեց ձեռք բերել վերջնական պայմանավորվածություն և Նիկոլ Փաշինյանը չստացավ ՀՀԿ-ի վերջնական համաձայնությունը հարցին, Վահրամ Բաղդասարյանը պատասխանեց. «Դա թող մնա իմ ու Նիկոլ Փաշինյանի գաղտնիքը»:
