Քաղաքականություն
18.03.2025 | 14:36«Տիկի՛ն Փոստանջյան, ես դեղերի կարիք դեռ չունեմ, չնայած, որ այսպես շարունակվի՝ վստահաբար դրա կարիքն էլ կունենամ»,- Երևանի ավագանու նիստի ժամանակ «Մայր Հայաստան» խմբակցության անդամ Զարուհի Փոստանջյանին ի պատասխան ասաց քաղաքապետ Տիգրան Ավինյանը։
«Միակ բանի կարիքը, որ չունեմ, զառանցանքներ լսելն է։ Տիկի՛ն Փոստանջյան, սա բուլվար չի, Դուք ձեր բակում չեք, ձեր հայրիկի տան կողքի շինարարությունը հասկանում եմ, որ անձնական խնդիր է: Սա բուլվար չի, մի՛ ստիպեք ինձ ձեզ հեռացնել դահլիճից: Դուք ստանում եք նկատողություն նիստը խանգարելու համար»,- ասաց Ավինյանը՝ դիմելով Զարուհի Փոստանջյանին։
Վերջինս շրջում էր դահլիճում, նկարահանում հեռախոսով և մեկնաբանություններ անում ավագանու անդամների ելույթների ժամանակ։ Ի վերջո, քաղաքապետը նրան զրկեց նիստի ընթացքում խոսքի իրավունքից։ Փոստանջյանը լքեց նիստերի դահլիճը։
Մանրամասները՝ տեսանյութում։
