04.04.2026 | 20:03
ՃՏՊ՝ հրդեհի բռնկմամբ
Ընդդիմությունն ասում է՝ ձգեք բանակցությունները, «հալբաթ» վաղը լավ կլինի․ Արարատ Միրզոյան․ ՏԵՍԱՆՅՈՒԹ
Քաղաքականություն
14.03.2025 | 17:27
ԱԺ արտաքին հարաբերությունների հանձնաժողովում Կառավարության 2024 թվականի կատարողականի քննարկման ժամանակ ԱԳ նախարար Արարատ Միրզոյանը որպես այդպիսին եզրափակիչ ելույթ չունեցավ, բայց ամփոփիչ խոսքումանդրադարձավ խաղաղության պայմանագրի համաձայնեցված տեքստի վերաբերյալ ընդդիմադիր պատգամավորների դիտարկումներին։ Միրզոյանը կիսվեց նաև ընդդիմադիրներից ստացած տպավորությամբ։
«Էն ընդդիմախոսները, որոնք այսօր ներկա էին, առնվազն իրենց ենթագիտակցության մեջ ընդունում են իրենց գաղափարական գծի ողջ սնանկությունը։ Եվ ես եկա հետևյալ եզրահանգմանը․ պնդումներ են անում, ասում են՝ չէ, մենք չենք ասում պատերազմ, մենք պատերազմ չենք պրոպագանդում։ Մի ուրիշ շերտ էլ ինձ համար բացահայտվեց․ իրենք ուզում են լուծում առաջարկել, բայց իրենց ասածը դա լուծման բացակայությունն է։ Ասում են՝ չենք ասում, որ ՀՀ իշխանությունները չբանակցեն։ Իրենք ասում են՝ հանդիպեք, բանակցեք, բայց ձգեք բանակցությունները, «հալբաթ» վաղը կամ մյուս օրը լավ կլինի, մի բան կփոխվի»,- նշեց ԱԳ նախարարը՝ շեշտելով, որ իրենց իշխանությունը լուծում է բերում՝ մի քիչ լավ կամ մի քիչ վատ։
Մանրամասները՝ տեսանյութում։
