28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Իրաքյան Քուրդիստանում ավարտվել են խորհրդարանական ընտրությունները
Քաղաքականություն
01.10.2018 | 19:29
Իրաքյան Քուրդիստանի խորհրդարանի հինգերորդ համագումարի ընտրություններն ավարտվել են: Ինքնավարության բարձրագույն անկախ ընտրական հանձնաժողովը հայտնել է, որ ընտրություններին մասնակցել են ընտրելու հնարավորություն ունեցողների 57%-ը. փոխանցում է ermenihaber-ը:
Ընտրություններում գրանցվել են հետևյալ արդյունքները.
«Քուրդիստանի դեմոկրատական կուսակցություն»՝43%
«Քուրդիստանի հայրենասերների միություն»՝ 20.1%
«Փոփոխության» կուսակցություն՝ 12.8 %
«Նոր սերնդի շարժում» կուսակցություն՝ 8.5%
«Իսլամական հասարակություն» կուսակցություն՝ 7.2%
«Բարենորոգման ճակատ» դաշինք՝ 5.8%
«Սերդեմ» կուսակցություն՝ 1.08%
Պարտված կուսակցությունները պնդում են, որ մի շարք ընտրախախտումներ են տեղի ունեցել։
Աղբյուրը հիշեցնում է, որ խորհրդարանի 111 տեղից 11-ն ամրագրված է կրոնական և ազգային փոքրամասնությունների կողմից, որոնց թվում նաև հայերը և թուրքմենները։
Ընտրություններում հաղթած «Քուրդիստանի դեմոկրատական կուսակցություն»-ը իրաքյան Քուրդիստանի ամենահին կուսակցություններից մեկն է։ Այն հիմնադրվել է 1946թ.-ի օգոստոսի 16-ին իրաքյան Քուրդիստանի նախկին նախագահ Մասութ Բարզանիի հոր՝ Մուստաֆա Բարզանիի կողմից։ Այժմ կուսակցության ղեկավարն է Մասութ Բարզանին, ով թեև զրկվեց Իրաքյան Քուրդիստանի նախագահի պաշտոնից, բայց շարունակեց ղեկավարել կուսակցությունը։
