16.07.2026 | 15:55
Վանաձորի նախկին համայնապետ Մամիկոն Ասլանյանի վերաբերյալ նոր գործ է ուղարկվել Հակակոռուպցիոն դատարան
ԿԳ նախարարն ու փոխնախարարը աշխատանքային այց են կատարել Հայաստանի ազգային ագրարային համալսարան
Հասարակություն
01.10.2018 | 17:21
ՀՀ կրթության և գիտության նախարար Արայիկ Հարությունյանը և նախարարի տեղակալ Հովհաննես Հովհաննիսյանն աշխատանքային այց են կատարել Հայաստանի ազգային ագրարային համալսարան: ՀԱԱՀ ռեկտորի պաշտոնակատար Վարդան Ուռուտյանի ուղեկցությամբ նախարարը շրջել է բուհում, ծանոթացել ուսումնական գործընթացի կազմակերպման պայմաններին: Նախարարին ներկայացվել է գինու քիմիական և ուսումնական լաբորատորիան և համտեսի սրահը, որոնք կահավորվել և տեխնիկապես վերազինվել են Գերմանիայի միջազգային համագործակցության ընկերության (CIZ) կողմից իրականացվող «Մասնավոր հատվածի զարգացում Հարավային Կովկասում» ծրագրի շրջանակում` գերմանական կողմի ֆինանսավորմամբ:
Նախարարը շրջել է նաև համալսարանի Ագրոբիզնեսի հետազոտությունների և ուսուցման միջազգային կենտրոնում և նույն մասնաշենքում տեղակայվոծ Գինու ակադեմիայում: Ռեկտորի պաշտոնակատար Վ. Ուռուտյանը նախարարին ներկայացրել է Ագրոբիզնեսի հետազոտությունների և ուսուցման միջազգային կենտրոնում իրականացվող կրթական ծրագիրը, որի շրջանակում Հայաստանի ազգային ագրարային համալսարանը համագործակցում է Տեխասի Էյ ընդ Էմ համալսարանի հետ: Ագրոբիզնեսի հետազոտությունների և ուսուցման կենտրոնում գործում են մագիստրոսական (MAB) և բակալավրիական կրթական ծրագրեր, որոնք տարածաշրջանում եզակի անգլալեզու բարձրագույն կրթական ծրագրերն են ագրոբիզնեսի տնտեսագիտության բնագավառում: Ռեկտորի պաշտոնակատարի տեղեկացմամբ` թե բակալավրիատի և թե մագիստրոսական ծրագրի ուսումնական պլանները արևմտյան կառուցվածք ունեն և հիմնված են Տեխասի Էյ ընդ Էմ համալսարանի համապատասխան ուսումնական պլանների վրա: Ուսուցման կենտրոնում շրջելու ընթացքում ԿԳ նախարարը զրուցել է ուսանողների հետ, հետաքրվել, թե շրջանավարտները որքանով են մրցունակ աշխատաշուկայում: Կենտրոնի պատասխանատուների հավաստամամբ` Ագրոբիզնեսի և շուկայաբանության միջազգային ծրագրի շրջանավարտների 95 տոկոսն աշխատում է մասնագիտությամբ` ստանալով համեմատաբար բարձր վարձատրություն:
Ռեկտորի պաշտոնակատարը նախարարին հակիրճ ներկայացրել է նաև Հայաստանի ազգային ագրարային համալսարանի զարգացման ծրագիրը և մոտ ապագայում նախատեսվող նախաձեռնությունները:
