14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Բայրամով․ ՀՀ-ն և Ադրբեջանն ավարտել են խաղաղության պայմանագրի տեքստի համաձայնեցման շուրջ բանակցությունները
Քաղաքականություն
13.03.2025 | 15:50
Ադրբեջանն ու Հայաստանն ավարտել են խաղաղության պայմանագրի տեքստի համաձայնեցման շուրջ բանակցությունները։ Այս մասին հայտարարել է Ադրբեջանի ԱԳ նախարար Ջեյհուն Բայրամովը Բաքվի գլոբալ ֆորումի ժամանակ, փոխանցում է Sputnik-ի ադրբեջանական ծառայությունը։
Բայրամովը շեշտել է՝ Հայաստանն ընդունել է պայմանագրի չհամաձայնեցված վերջին երկու կետերի վերաբերյալ ադրբեջանական կողմի առաջարկը։
«Հաջորդ փուլում Բաքվի ակնկալիքը հետևյալն է՝ Հայաստանը պետք է փոփոխություններ կատարի իր Սահմանադրությունում, որում դեռևս տարածքային պահանջներ կան Ադրբեջանի հանդեպ»,- հայտարարել է ադրբեջանցի պաշտոնյան։
Հարցի վերաբերյալ Factor.am-ը փորձեց մեկնաբանություն ստանալ ՀՀ ԱԳ նախարարությունից։ Գերատեսչության խոսնակից պատասխան ստանալուն պես կներկայացնենք այն։
