17.07.2026 | 21:00
ՔՆՆԱՐԿՈւՄ․ Իսպանիա vs Արգենտինա․ Ֆուտբոլային մեծ բախում՝ Աշխարհի չեմպիոնի գավաթի համար․ ո՞ր թիմը կհաղթի․ ՏԵՍԱՆՅՈՒԹ
Մարտի 14-ին հավաքվում ենք ՄԱԿ-ի գրասենյակի մոտ. պիտի ոտքի կանգնեք, հա´յ ժողովուրդ. Մանե Թանդիլյան. ՏԵՍԱՆՅՈՒԹ
Քաղաքականություն
12.03.2025 | 17:21
12-օր հացադուլի մեջ գտնվող «Ապրելու երկիր» կուսակցության համահիմնադիր Մանե Թանդիլյանը, որն այսօր հայտարարեց այն դադարեցնելու մասին, ասաց, որ անցնում են ակտիվ գործողությունների։
«Պիտի աշխարհն իմանա, որ մենք չենք ներելու, չենք հանդուրժելու, չենք լռելու Բաքվի բանտում գտնվող գեթ մեկ գերու համար, բոլորը պիտի տուն վերադառնան՝ ուզում է Ադրբեջանը դա, թե չի ուզում։ Եվ այս առումով մենք նախանշել ենք երկու ծրագիր՝ կարճաժամկետ և երկարաժամկետ։ Կարճաժամկետ առումով մենք պարտավոր ենք անել գործողություններ, որոնց հետևանքով Ռուբեն Վարդանյանը կկարողանա դադարեցնել հացադուլը։ Մեր կարճաժամկետ անելիքը պիտի լինի մեր հայորդու կյանքը փրկելը, թույլ չտալ, որ նա վնասվի և հայրենիք վերադառնա ողջ, առողջ։ Մենք պիտի միջազգային կառույցներից պահանջենք մասնակցություն բոլոր դատավարական գործընթացների, բոլոր գերիների։ Նրանք այդ մանդատն ունեն և եկեք գնանք դա իրացնելու հետևից։ Եվ առաջին քայլով մենք ձեզ հրավիրում ենք ՄԱԿ-ի գրասենյակի մոտ ուրբաթ՝ 13։00-ին։ Մենք կպահանջենք ՄԱԿ-ի հայաստանյան ներկայացուցչից կապվել Բաքվի իր գործընկերոջ հետ և ասել՝ գնացեք, այդ դատավարությանը մասնակցեք։ Տեսնենք՝ ինչ են պատասխանում այնտեղի ՄԱԿ-ի ներկայացուցիչները։ Մենք պիտի ստանանք պատասխաններ, մեզ չպիտի անտեսեն։ Թող չշփոթե՛ն մեզ ՀՀ իշխանությունների հետ»,- ասաց Թանդիլյանը։
Անդրադառնալով երկարաժամկետ անելիքներին՝ Թանդիլյանն ընդգծեց, որ դա վերաբերում է բոլոր գերիների տունդարձին։
«ՀՀ կառավարությունը պետք է իմանա, որ հայ գերիներին չվերադարձնելու դեպքում կորցնելու են իշխանությունը»,- ընդգծեց Թանդիլյանը և քաղաքացիներին կոչ արեց բողոքի ակցիաներ կազմակերպել:
Մանրամասները՝ տեսանյութում։
