14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ընկա փոսը, ջարդվեց․ Ավինյա՛ն, արի, հել, իջի․ զայրացել են հարկատու վարորդները. ՏԵՍԱՆՅՈՒԹ
Հասարակություն
11.03.2025 | 19:34
Քարուքանդ եղած Արին Բերդ փողոցը Նիկոլ Փաշինյանի իշխանության օրոք ասֆալտապատման երես չի տեսել։ Նախկինների օրոք արված ասֆալտից էլ գրեթե ոչինչ չի մնացել․ առանց մայթերի, փոխարենը ցեխաջրով լի փոսերով են գնում-գալիս, Փաշինյանի ձևակերպմամբ, հպարտ քաղաքացիները։
Էրեբունի վարչական շրջանում է անմխիթար վիճակում գտնվող փողոցը։ Վարորդները մի փոսից դուրս են գալիս, հաջորդ հսկայական փոսն ընկնում։
Ոչ բոլոր վարորդներն են պատրաստ երթևեկել խորը փոսերի մեջ ընկնել-ելնելով։ Այս վարորդին, օրինակ, առաջին անգամից հետո էլ ոչինչ չի կարող ստիպել ղեկը Արին Բերդի փողոցի կողմ թեքել։
Գրեթե բոլոր հանրային ելույթներում ասֆալտապատման աշխատանքների ծավալով հպարտացող վարչապետին Արին Բերդի փողոցով երթևեկողները հիշեցնում են՝ հարկերը պարտաճանաչ են վճարում։
Երևանի քաղաքապետարանից Factor TV-ին փոխանցեցին, որ Արին Բերդի փողոցում նախատեսվում է իրականացնել փողոցի հիմնանորոգում, նախահաշվային փաթեթը կազմված է, որն առաջիկայում կդրվի նախագծի մրցույթի։ Իսկ մինչ այդ, իրավիճակը մեղմելու համար քաղաքապետարանը կիրականացնի փոսալցման աշխատանքներ։ Վարորդները թերահավատ են, որ մոտ ժամանակներում այս փողոցում ասֆալտ են տեսնելու։
Մանրամասները՝ տեսանյութում։
Նարեկ Կիրակոսյան
