Նիկոլ Փաշինյանը՝ հիփոթեքային վարկերի մասին. ՈՒՂԻՂ

Կառավարությունը երկու կարևոր որոշում է կայացրել, որոնց ուզում եմ անդրադառնալ. Ֆեյսբուքյան ուղոիղ հեռարձակմամբ ասաց ՀՀ վարչապետ Նիկոլ Փաշինյանը:

«Առաջին որոշումը վերաբերում է հիփոթեքային ծրագրին հաջակցություն երիտասարդ ընտանիքների բնակարանային խնդիրների լուծմանը: Այս որոշման համաձայն, երիտասարդ ընտանիքները արտոնյալ պայմաններով կարող են բնակարաններ ձեռք բերել: Նախկինում եթե երիտասարդ ընտանիք էր համարվում այն ընտանիքը, որտեղ ամուսինների գումարային առավելագույն տարիքը 65-ն էր, ապա հիմա այն դարձել է 70: Եվ ահա այս երիտասարդ ընտանիքները կարող են երկրորդային շուկայից, այսինքն ոչ նորակառույց շենքերից, բնակարարներ ձեռք բերել հետևյալ պայմաններով. Երևանում հիփոթեքային վարկի տոկոսը առավելագույնը կլինի 7,5 տոկոս, իսկ մարզերում՝ 5,5 տոկոս: Ընդ որում՝ խոսքը առավելագույն տոկոսի մասին է, քանի որ որոշակի աշխուժության և բանկային մրցակցության պայմաններում այս տոկոսները կարող են ավելի ցածր լինել: Քիչ առաջ խոսում էինք Կենտրոնական բանկի տնօրենի հետ, որն ասաց, որ կան բանկեր, որոնք ավելի ցածր տոկոսով կտան վարկեր: Հաջորդ կարևոր որոշումը. եթե նախկինում պահանջվում էր, որ բնակարանը ձեռք բերելու համար կանխավճարը լինի բնակարանի արժեքի 30 տոկոսը, ապա հիմա հնարավորություն կա, որ կանխավճարը կարող է լինել 10 տոկոս, եթե առկա է երկրորդ գույքի գրավ կամ բնակարանի արժեքի 20 տոկոսի չափով ապահովագրություն: Այսինքն՝ նաև ապահովագրական ընկերությունների հետ համագործակցելով կարելի է կանխավճարը վճարել ոչ թե 30 տոկոս, այլ 10 տոկոս»,- ասաց Փաշինյանը:

Առավել մանրամասն՝ տեսանյութում: