13.01.2026 | 12:12
Միրզոյան-Ռուբիո հանդիպում կլինի // Կրասնոդար-Երևան չվերթը կրկին չեղարկվել է․ ԼՈՒՐԵՐ
Իսրայելը դադարեցնում է էլեկտրաէներգիայի մատակարարումը Գազայի հատվածին
Քաղաքականություն
09.03.2025 | 19:43
Իսրայելը հայտարարել է, որ դադարեցնում է էլեկտրաէներգիայի մատակարարումը Գազայի հատվածին։ Այս մասին հայտնում է AP-ն։
Նշվում է, որ տարածքի աղազերծման կայանները էներգիա են ստանում խմելու ջուր արտադրելու համար:
Հայտարարությունը հնչել է մեկ շաբաթ անց այն բանից հետո, երբ Իսրայելը դադարեցրեց ապրանքների բոլոր մատակարարումները այդ տարածք ավելի քան 2 միլիոն մարդու համար: Իսրայելը փորձել է ճնշում գործադրել ՀԱՄԱՍ-ի վրա՝ ընդունելու հրադադարի առաջին փուլի երկարաձգումը: Այդ փուլն ավարտվեց անցյալ շաբաթվա վերջին։
Իսրայելը ցանկանում է, որ ՀԱՄԱՍ-ն ազատ արձակի մնացած պատանդների կեսին` տեւական զինադադարի շուրջ բանակցություններ վարելու խոստման դիմաց:
ՀԱՄԱՍ-ը ճնշում է գործադրել բանակցություններ սկսել հրադադարի երկրորդ փուլի փոխարեն: Կիրակի օրը զինյալների խմբավորումը հայտարարել է, որ ավարտել է եգիպտական միջնորդների հետ հրադադարի շուրջ բանակցությունների վերջին փուլը՝ առանց իր դիրքորոշման փոփոխության՝ կոչ անելով անհապաղ սկսել հրադադարի երկրորդ փուլը:
