30.05.2026 | 17:38
ՆԱՏՕ-ի ԽՎ գարնանային նստաշրջանը մեկնարկել է Վիլնյուսում․ մասնակցում է նաև ՀՀ պատվիրակությունը
Մանե Թանդիլյանը վերադարձել է Ազատության հրապարակ` հակառակ բժիշկների հորդորների
Հասարակություն
09.03.2025 | 17:20
«Ապրելու երկիր» կուսակցության համահիմնադիր Մանե Թանդիլյանը, որ երեկ երեկոյան տեղափոխվել էր հիվանդանոց, վերադարձել է Ազատության հրապարակ և շարունակում է հացադուլը` հակառակ բժիշկների հորդորների: Այս մասին Factor.am-ին փոխանցեց կուսակցության համահիմնադիր Մեսրոպ Առաքելյանը:
Հիշեցնենք`Մանե Թանդլիյանը մարտի 1-ից հացադուլ է հայտարարել Ազատության հրապարակում` հաջակցություն Բաքվի բանտում ապօրինաբար պահվող Ռուբեն Վարդանյանի: Նա հույս ունի, որ իր այս ծայրահեղ քայլով կստիպի Վարդանյանին դադարեցնել հացադուլը:
Ինը օրերի ընթացքում Մանե Թանդիլյանի ինքնազգացողությունը մի քանի անգամ վատացել է, նրան տեղափոխել են հիվանդանոց, ապա վերադարձել է հացադուլի վայր: Թանդլիյանին հորդորում են դադարեցնել հացադուլը, բայց «Ապրելու երկիր» կուսակցության համահիմնադիրը կոչ է անում այդ հորդորներն ուղղել Արցախի նախկին պետնախարար Ռուբեն Վարդանյանին:
Արփի Հակոբյան
