30.04.2026 | 10:46
Պուտինը և Թրամփը հեռախոսազրույցում քննարկել են Հաղթանակի օրը Ուկրաինայում հրադադարի հաստատումը
ԱՄՆ Պետդեպը մտահոգություն է հայտնել Ադրբեջանի իշխանությունների քննադատների շարունակական կալանավորումների առնչությամբ
Քաղաքականություն
07.03.2025 | 20:59
Ադրբեջանցի լրագրողների, քաղաքացիական հասարակության ակտիվիստների, իրավապաշտպանների, ընդդիմության ներկայացուցիչների շարունակվող կալանավորումները խորը անհանգստություն են առաջացնում։ Այս մասին հայտարարել է ԱՄՆ Պետքարտուղարության ներկայացուցիչը՝ պատասխանելով Վաշինգտոնում ադրբեջանցի լրագրող Ալեքս Ռաուֆօղլուի հարցմանը։
Պետքարտուղարության ներկայացուցիչը, որը ցանկացել է անանուն մնալ, շարունակել է ԱՄՆ փոխնախագահ Ջեյի Դի Վենսի խոսքերով․ «Ինչպես ընդգծել է փոխնախագահ Վենսը՝ մենք պետք է շարունակենք աջակցել խոսքի ազատությանը, դադարեցնենք ընդդիմության հետապնդումները։ Ադրբեջանի կառավարությունից ակնկալում ենք լուրջ վերաբերմունք այս հաղորդագրությանը»։
Հավելենք, որ 2023 թվականի նոյեմբերից ի վեր Ադրբեջանում մաքսանենգության մեղադրանքով կալանավորվել են շուրջ 30 լրագրողներ և հասարակական ակտիվիստներ։ Նրանցից ոչ ոք չի ընդունում մեղադրանքը և իր ձերբակալությունը կապում է մասնագիտական գործունեության ու քաղաքական պատվերների հետ։
Ըստ ադրբեջանցի իրավապաշտպանների՝ երկրում քաղբանտարկյալ թիվը գերազանցում է 300-ը։
Թարգմանությունը՝ Էմմա Չոբանյանի
