19.02.2026 | 21:13
ՀՀ-ին և Ճապոնիային հաջողվել է հետևողականորեն զարգացնել քաղաքական երկխոսությունը. Մհեր Գրիգորյան
Փարիզում երկաթուղային կայարանում Երկրորդ համաշխարհայինի ժամանակների ռումբ է հայտնաբերվել․ երթևեկությունը դադարեցվել է
Քաղաքականություն
07.03.2025 | 16:17
Փարիզի Gare du Nord երկաթուղային կայարանում երթևեկությունը դադարեցվել է այն բանից հետո, երբ Երկրորդ համաշխարհային պատերազմի ժամանակների ռումբ է հայտնաբերվել դեպի Ֆրանսիայի ամենաբանուկ տերմինալ տանող գծերի վրա։ Ոստիկանությունն աշխատում է սարքն անջատելու ուղղությամբ, գրում է France 24-ը։
Ռումբը հայտնաբերվել է առավոտյան ժամը 4-ի սահմաններում՝ Սեն-Սեն Դենի շրջանի գծերի մոտ հողային աշխատանքներ կատարող բանվորների կողմից: Դեպքի վայր են ուղարկվել ականազերծողներ։
Ազգային SNCF երկաթուղային ընկերության հայտարարության մեջ ասվում է, որ ոստիկանության խնդրանքով երթևեկությունը դադարեցվել է երկաթուղային կայարանում, որտեղ տեղակայված են Eurostar-ի գնացքները, ինչպես նաև արագընթաց և տեղական գնացքները։ Ֆրանսիայի տրանսպորտի նախարար Ֆիլիպ Տաբարոն ասել է, որ սահմանափակ սպասարկումը կվերսկսվի կեսօրից հետո, և ճանապարհորդներին հորդորել է հետաձգել իրենց ճամփորդությունները:
Eurostar-ը հայտարարել է, որ չեղարկել է բոլոր գնացքները, որոնք ուղևորվում էին Փարիզ կամ մեկնում այնտեղից։
Թարգմանությունը՝ Էմմա Չոբանյանի
