08.09.2026 | 20:02
Անդրանիկ Թևանյանի խափանման միջոցը երկարացվել է 3, Արեգնազ Մանուկյանինը՝ 1 ամսով
Թրամփը հրամանագիր է ստորագրել բիթքոինի ռազմավարական պահուստի և ազգային թվային ակտիվների մասին
Քաղաքականություն
07.03.2025 | 14:25
ԱՄՆ նախագահ Դոնալդ Թրամփը գործադիր հրաման է ստորագրել բիթքոինի ռազմավարական պահուստի և թվային ակտիվների ազգային պահուստ ստեղծելու մասին։ Այս մասին հայտնում է Սպիտակ տունը, գրում է Current time-ը։
Ըստ փաստաթղթի՝ բիթքոինի ռազմավարական պահուստը կապիտալիզացվելու է բիթքոիններով, որոնք պահվում են ԱՄՆ գանձապետարանի կողմից և կբռնագրավվեն քրեական կամ քաղաքացիական ակտիվների բռնագանձման գործընթացի միջոցով: 30 օրվա ընթացքում պետական կառույցները պետք է իրենց մոտ եղած բիթքոինները փոխանցեն ռազմավարական պահուստին։
ԱՄՆ Ազգային թվային ակտիվների պահուստը կապիտալիզացվելու է ԱՄՆ գանձապետարանի կողմից պահվող բոլոր թվային ակտիվներով՝ բացառելով քրեական կամ քաղաքացիական դատավարության միջոցով առգրավված բիթքոինները:
Ավելի վաղ Թրամփը Truth Social սոցիալական ցանցում գրել էր, որ հանձնարարել է նախագահին կից աշխատանքային խմբին առաջ շարժվել կրիպտոարժույթի պահուստ ստեղծելու ուղղությամբ:
Թարգմանությունը՝ Էմմա Չոբանյանի
