27.06.2026 | 14:41
Սպասվում է կարճատև անձրև և ամպրոպ, առանձին հատվածներում՝ նաև կարկուտ
Հրդեհ Արջուտ գյուղում
06.03.2025 | 20:43
Մարտի 6-ին՝ ժամը 15:47-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արջուտ գյուղում այրվում է անասնագոմ։
ՆԳՆ Փրկարար ծառայությունից տեղեկացնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
«Պարզվել է, որ հրդեհ է բռնկվել գյուղի 20-րդ փողոցի 20-րդ նրբանցքի տներից մեկի բակում գտնվող անասնագոմի տանիքում (մոտ 40 քմ):
Հրդեհը մեկուսացվել է ժամը 16։12-ին, մարվել՝ 16։43-ին։ Այրվել են անասնագոմի տանիքի փայտե կառուցատարրերը (մոտ 30 քմ), տանիքում կուտակած անասնակեր (մոտ 2 խմ) և ջերմահարվել՝ առաստաղը (մոտ 20 քմ)»,- ասված է հաղորդագրությունում:
