30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
ԱՄՆ-ի աջակցության դադարեցումը Կիևին ուկրաինացիների արյունն է Թրամփի ձեռքերին․ Վիտալի Պորտնիկով․ ՏԵՍԱՆՅՈՒԹ
Քաղաքականություն
05.03.2025 | 21:30
Փետրվարի 28-ին Ուկրաինայի նախագահ Վլադիմիր Զելենսկիի ԱՄՆ այցի ընթացքում Սպիտակ տանը տեղի ունեցած սկանդալն արտացոլումն էր այն բանի, թե իրականում ինչ է մտածում ԱՄՆ վարչակազմն Ուկրաինայի մասին։ Factor TV-ի հետ զրույցում այս մասին նշում է ուկրաինացի լրագրող, փորձագետ Վիտալի Պորտնիկովը։
Նրա կարծիքով՝ Թրամփը բավական մակերեսային պատկերացում ունի ուկրաինական խնդրի մասին, և Զելենսկիի կողմից հենց այդ փաստարկների մատնանշումը հունից հանեց նրան։
Ըստ Պորտնիկովի՝ օգտակար հանածոների մասին համաձայնագիրը չէր կարող Ուկրաինայի անվտանգության երաշխիք լինել, քանի որ աշխարհը բազմիցս է ականատես եղել, թե ինչպես են ամերիկյան ընկերությունները հեռացվել մի շարք երկրներից։
Անդրադառնալով Ռուսաստանի՝ որպես Եվրոպայի համար երկարաժամկետ սպառնալիքի խնդրին՝ ուկրաինացի փորձագետը նշում է, որ այն չեկիստական ռեժիմ է, որը նույնիսկ Պուտինի հեռանալուց հետո կարող է նախկինի պես վտանգ ներկայացնել Եվրոպայի համար։ Ըստ նրա՝ Ռուսաստանի նպատակը, ռեսուրսների առկայության պարագայում, հետխորհրդային տարածքում ինքնիշխանության վերականգնումն է՝ ինչպես ԽՍՀՄ տարիներին։
Հարցազրույցն ամբողջությամբ՝ տեսանյութում։
Սամվել Մելիքսեթյան
