23.05.2026 | 23:15
Ըմբիշ Շահեն Մարտիրոսյանը վստահ հաղթանակով դարձավ Եվրոպայի Մ-15 չեմպիոն. ՏԵՍԱՆՅՈՒԹ
Սերժ Սարգսյանը՝ Նիկոլ Փաշինյանի հետ երկխոսության գնալու մասին. «Ժողովուրդ»
29.09.2018 | 09:35
«Ժողովուրդ» թերթը գրում է. «Նախօրեին` երկար ընդմիջումից հետո, տեղի է ունեցել ՀՀԿ ԳՄ նիստ, որը վարել է անձամբ Սերժ Սարգսյանը: «Ժողովուրդ» օրաթերթին հայտնի դարձավ, որ ՀՀԿ-ականները հիմնականում ցանկացել են լսել Սերժ Սարգսյանի տեսակետները ներքաղաքական թեմաների վերաբերյալ:
Մեր տեղեկություններով` խոսք է գնացել ԱԺ արտահերթ ընտրությունների մասին: Նշվել է, որ ՀՀԿ-ականները չպետք է հրաժարվեն երկխոսության գնալ Նիկոլ Փաշինյանի և մյուս ուժերի հետ: Այդ մասին բարձրաձայնել է նաև անձամբ Սերժ Սարգսյանը:
Սակայն ՀՀԿ-ականները նաև հանգիստ են այն առումով, որ կարծես թե խորհրդարանում ներկայացված մյուս ուժերը ևս կողմ չեն այս տարի խորհրդարանական արտահերթ ընտրությունների գնալ: ՀՀԿ-ականները որոշել են կողմ արտահայտվել երկխոսությանը, սակայն ոչ արտահերթ ընտրություններին շուտ գնալուն: Եվ, առհասարակ, նրանք դեմ են հրատապ ընտրություններին: Նրանց միակ փաստարկն այն է, որ խորհրդարանը ոչ մի կերպ չի խոչընդոտում կառավարության աշխատանքին և, որպես այդպիսին, չկա քաղաքական ճգնաժամ, և արտահերթ ընտրություններ այժմ ամենևին էլ պետք չեն»:
Առավել մանրամասն՝ թերթի այսօրվա համարում:
