08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Կրեմլն արձագանքել է ԱՄՆ-ի կողմից Ուկրաինային տրամադրվող ռազմական օգնության դադարեցմանը
Քաղաքականություն
04.03.2025 | 14:55
ՌԴ նախագահի մամուլի քարտուղար Դմիտրի Պեսկովը հայտարարել է, որ «Ուկրաինային ամերիկյան ռազմական օգնության հնարավոր դադարեցումը կարող է խրախուսել Կիևի ռեժիմին՝ շարժվել դեպի խաղաղ գործընթաց», գրում է ՌԻԱ Նովոստին։
«Եթե դա համապատասխանում է իրականությանը, ապա դա որոշում է, որը կարող է մղել Կիևի ռեժիմին խաղաղության գործընթացի»,- ասել է Պեսկովը։
Այսօր ավելի վաղ միջազգային լրատվամիջոցները հայտնել էին, որ ԱՄՆ նախագահ Դոնալդ Թրամփը որոշել է դադարեցնել ռազմական օգնությունն Ուկրաինային այնքան ժամանակ, քանի դեռ չի համոզվել, որ «Ուկրաինայի նախագահ Վլադիմիր Զելենսկին տրամադրված է բարախիղճ խաղաղության բանակցություններ վարել»։
Պեսկովը նաև հայտարարել է, որ ԱՄՆ-ի և ՌԴ-ի հարաբերությունների կարգավորումը պետք է ենթադրի պատժամիջոցների վերացում։
«Մեր վերաբերմունքը պատժամիջոցների նկատմամբ քաջ հայտնի է, մենք դրանք անօրինական ենք համարում։ Իհարկե, եթե խոսենք երկկողմ հարաբերությունների կարգավորման մասին, ապա նրանք պետք է ազատվեն պատժամիջոցների այս բացասական բեռից»,- ասել է ՌԴ նախագահի մամուլի խոսնակը՝ նշելով, որ այս հարցում դեռ վաղ է առաջընթացի մասին խոսելը։
Թարգմանությունը՝ Էմմա Չոբանյանի
